Blog

نیو یارک شہر، جسے “شہر جو کبھی نہیں سوتا” کہا جاتا ہے، سال کی آخری رات کو اپنے عروج پر ہوتا ہے۔ نیو ایئر کی رات نیو یارک میں صرف ایک تقریب نہیں بلکہ ایک عالمی ثقافتی واقعہ ہے جو لاکھوں افراد کو متحرک کر دیتا ہے۔ یہ وہ رات ہے جب ٹائمز اسکوائر کا قلب دھڑکنے لگتا ہے، شہر کی عمارتیں روشنیوں سے نہا جاتی ہیں، اور ہر شخص پر امید اور نئے عہد کے جذبے سے سرشار ہوتا ہے۔
نیو ایئر کی رات کی تیاریاں ہفتوں پہلے سے شروع ہو جاتی ہیں۔ ٹائمز اسکوائر، جسے “دنیا کا کراس روڈ” کہا جاتا ہے، اس رات دنیا کا مرکزی اسٹیج بن جاتا ہے۔ 31 دسمبر کی صبح سے ہی لوگ وہاں پہنچنا شروع ہو جاتے ہیں، کیونکہ بہترین جگہیں جلدی بھر جاتی ہیں۔ ہزاروں افراد انتظار کے ان لمحات کو بھی یادگار بنانے کے لیے گانوں، ناچوں اور نئے دوست بنانے میں گزارتے ہیں۔
سردی کی شدید ترین ٹھنڈ بھی ان کے جوش میں فرق نہیں ڈال سکتی۔ گرم کپڑے، خوابوں سے سجی آنکھیں اور نئے سال کی امیدیں، یہ سب یہاں آئے ہوئے لوگوں کو انہیں گرم رکھنے کے لیے کافی ہوتی ہیں۔ پولیس کی سخت سیکیورٹی کے باوجود، ہر چہرے پر مسکراہٹ اور جوش نمایاں ہوتا ہے۔
نیو یارک کی نیو ایئر رات کا سب سے مشہور روایت “بال ڈراپ” ہے جو 1907 سے جاری ہے۔ یہ 12ہزار پاؤنڈ وزنی، 12 فٹ قطر کا کرسٹل بال ون ٹائمز اسکوائر کے ون ٹائمز اسکوائر بلڈنگ کی چوٹی سے نیچے اترتا ہے۔ بال کے 2688 واٹر فورڈ کرسٹل ٹکڑے روشنیوں کو منعکس کر کے آسمان کو جگمگا دیتے ہیں۔
آخری سیکنڈز کی گنتی پورا شہر ایک ساتھ کرتا ہے۔”فائیو، فور، تھری، ٹو، ون… ہیپی نیو ایئر!” اور پھر وہ لمحہ آتا ہے جب بال نیچے آتا ہے، کنفیٹی کے 3ہزار پاؤنڈ سے زیادہ کاغذ آسمان سے برستے ہیں، اور پورا اسکوائر ناچنے گانے لگتا ہے۔ یہ منظر اتنا طاقتور ہے کہ ٹیلی ویژن پر دیکھنے والے بھی خود کو وہاں موجود محسوس کرتے ہیں۔
ٹائمز اسکوائر کے علاوہ بھی نیو یارک میں جشن کے کئی مراکز ہیں۔ سنٹرل پارک میں “پرشیا رن” ہوتا ہے جہاں ہزاروں افراد فینسی ڈریس میں دوڑ لگاتے ہیں۔ بروکلن میں گرینڈ آرمی پلازہ پر آتشبازی کا شاندار مظاہرہ ہوتا ہے۔ برانکس، کوئنز، اور سٹیٹن آئی لینڈ میں بھی اپنے اپنے مقامی جشن منائے جاتے ہیں۔
نیو یارک کے مشہور میوزیم، جیسے میٹروپولیٹن میوزیم آف آرٹ اور نیچرل ہسٹری میوزیم، خصوصی نیو ایئر ایونٹس کا انعقاد کرتے ہیں۔ ریستورانوں میں خصوصی ڈنر، نائٹ کلبوں میں پارٹیاں، اور ہوٹلوں میں رقص کے پروگرام ہوتے ہیں۔ ہر شخص اپنے انداز میں نئے سال کا استقبال کرتا ہے۔
نیو یارک کی نیو ایئر رات کی سب سے خاص بات اس کا عالمگیر رنگ ہے۔ یہاں ہر نسل، مذہب، اور قومیت کے لوگ ایک ساتھ جشن مناتے ہیں۔ چینی، ہسپانوی، اطالوی، ہندوستانی، عربی تقریبا ہر زبان میں “نیا سال مبارک” کی آوازیں گونجتی ہیں۔ یہ شہر درحقیقت پوری دنیا کا نمائندہ بن جاتا ہے۔
کثیر الثقافتی پن کا یہ رنگ کھانوں میں بھی نظر آتا ہے۔ روایتی امریکی ڈنر کے ساتھ ساتھ دنیا بھر کے کھانے دستیاب ہوتے ہیں۔ لوگ نئے سال کی خوشی میں ایک دوسرے کو گلے لگاتے ہیں، چاہے وہ پہلے کبھی نہ ملے ہوں۔
نیو ایئر صرف جشن کا دن نہیں بلکہ امیدوں اور نئے عہدوں کا دن بھی ہے۔ نیو یارک کے لوگ اس رات اپنے نئے سال کے عزم کا اعلان کرتے ہیں۔ کچھ کاغذ پر اپنے مقاصد لکھتے ہیں، کچھ دوستوں کے سامنے ان کا اظہار کرتے ہیں۔ یہ عزم اکثر ذاتی ترقی، صحت، کیریئر، یا تعلقات سے متعلق ہوتے ہیں۔
ٹائمز اسکوائر میں لوگ اپنے عزم کاغذ کے ٹکڑوں پر لکھ کر انہیں ہوا میں اڑا دیتے ہیں، گویا وہ اپنی خواہشات کو کائنات کے حوالے کر رہے ہوں۔ یہ منظر انتہائی جذباتی ہوتا ہے۔
اس عظیم اجتماع کے ساتھ چیلنجز بھی جڑے ہیں۔ شدید سردی، بھیڑ، اور طویل انتظار کئی لوگوں کے لیے مشکل ہوتا ہے۔ شہر انتظامیہ ہر سال سیکیورٹی کے نئے اقدامات کرتی ہے۔ پولیس کی بڑی تعداد، سیکیورٹی چیک پوائنٹس، اور طبی سہولیات مہیا کی جاتی ہیں۔
ماحولیاتی تحفظ کے تحت کنفیٹی کے کاغذ اب قابل تحلیل مواد سے بنائے جاتے ہیں۔ شہر صفائی کے لیے ہزاروں کارکن تعینات کرتا ہے تاکہ اگلے دن صبح تک ٹائمز اسکوائر معمول کی صورتحال میں واپس آ جائے۔
مقامی نیو یارکرز کے لیے یہ رات فخر کا باعث ہوتی ہے۔ کئی خاندان اسے روایت کے طور پر مناتے ہیں۔ جیمز، ایک مقامی رہائشی، کہتے ہیں: “میں 20 سال سے ٹائمز اسکوائر جاتا رہا ہوں۔ ہر سال ایک نئی کہانی بنتی ہے۔”
سیاحوں کے لیے یہ زندگی بھر یاد رہنے والا تجربہ ہوتا ہے۔ جاپان سے آئے ہوئے یوکو کا کہنا ہے: “میں نے بچپن سے ٹی وی پر نیو یارک کا نیو ایئر دیکھا تھا۔ یہاں حاضر ہو کر میری خواہش پوری ہوئی۔”
یکم جنوری کی صبح نیو یارک ایک نیے جوش کے ساتھ بیدار ہوتا ہے۔ لوگ ناشتے کے لیے باہر نکلتے ہیں، دوستوں سے ملتے ہیں، اور نیو ایئر ڈے پریڈ میں شرکت کرتے ہیں۔ یہ پریڈ 1904 سے جاری ہے اور اس میں بینڈز، ناچ، اور رنگ برنگی فلاؤٹس شامل ہوتے ہیں۔
بہت سے لوگ “پولر بیئر پلنج” میں حصہ لیتے ہیں، جس میں وہ برفانی پانی میں تیرتے ہیں۔ یہ نئے سال کا ایک اور دلچسپ روایت ہے جو حوصلہ اور مزاج کو تازہ کرتی ہے۔
نیو یارک میں نیو ایئر کی رات محض ایک جشن سے زیادہ ہے، یہ انسانی روح کی لچک، امید، اور یکجہتی کا اظہار ہے۔ یہ رات ہمیں یاد دلاتی ہے کہ چیلنجز اور مشکلات کے باوجود، نئے آغاز کی امید ہمیشہ موجود رہتی ہے۔
ٹائمز اسکوائر کی روشنیاں، لاکھوں لوگوں کی خوشی، اور ایک نئے سال کا استقبال، یہ سب مل کر ایسی یادیں تخلیق کرتے ہیں جو عمر بھر قائم رہتی ہیں۔ نیو یارک کی نیو ایئر رات صرف ایک شہر کا جشن نہیں، بلکہ پوری انسانیت کے لیے امید اور نئے آغاز کا پیغام ہے۔
جب بال نیچے آتا ہے اور نئے سال کا آغاز ہوتا ہے، تو ہر شخص محسوس کرتا ہے کہ وہ کسی بڑے واقعے کا حصہ ہے۔ یہ لمحہ ثابت کرتا ہے کہ امید، محبت، اور یکجہتی کی طاقت ہر رکاوٹ کو عبور کر سکتی ہے۔ نیو یارک کی نیو ایئر رات ہمیں یہی سبق دیتی ہے، ماضی کو پیچھے چھوڑ کر، حال کا لطف اٹھاتے ہوئے، مستقبل کی طرف پرامید قدم بڑھانا۔
نیو یارک کی نیو ایئر رات ایک ایسا تجربہ ہے جو ہر شخص کو کم از کم ایک بار زندگی میں ضرور کرنا چاہیے۔ یہ نہ صرف شہر کی رونق کو دیکھنے کا موقع ہے بلکہ اپنے اندر کی امید کو تازہ کرنے کا ذریعہ بھی ہے۔ جب پورا شہر ایک ساتھ نئے سال کا استقبال کرتا ہے، تو یہ محسوس ہوتا ہے کہ دنیا واقعی ایک گاؤں ہے، جہاں ہر انسان دوسرے سے جڑا ہوا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کینیا کا سفر نامہ۔۔۔۔۔۔۔۔ایڈیٹر نوٹ
کینیا کا سفر نامہ جرمنی میںمقیم پاکستان واچ کے کالم نگارسرور غزالی کی تحریرہے اس کالم میں انھوں نے کینیا کے سفر کے دوران پیش آنے والے تجربات کو خوبصورتی سے قلمبند کیا ہے۔کالم کی طوالت کے باعث اس کو قسط وار شائع کیا جائے گا اس کالم میںایسٹ افریقن برطانوی کالونی،کینیا کے مختلف قبائل اور مسائی قوم،مسائی قوم کے نیروبی نیشنل سفاری پارک کا سفر،نیروبی سے ممباسا کا سفر، کینیا ریلوے کی کہانی ،رشوت ستانی، ممبا سا کی کہانی ،1570 میں تعمیر ہونے والی مسجد المنذری کامشاہدہ ،کارورا جنگل کے موضوعات کو قلمبند کیا گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایسٹ انڈیا کے طرز پر بنائی گئی ایسٹ افریقن برطانوی کالونی
کینیا کا سرکاری نام ریپبلک آف کینیا ہے۔ مشرقی افریقہ میں واقع یہ ملک انتہائی خوبصورت، پہاڑ، دریا جنگل، میدانی غیر آباد علاقے جہاں جانور بسیرا کرتے ہیں کے ساتھ ساتھ جنوب میں بحر ہند سے جا ملتا یہ ملک بے مثال خوبصورتی کا حامل ہے۔ اس کی اندازا” آبادی 53 ملین ہے اس کا شمار دنیا کے27 ویں مقبول ترین ملکوں میں ہوتا ہے اور افریقہ کا سب سے مشہور ترین ملک ہے۔ مختلف قبائل جو یہاں آباد ہیں ان میں کیسمو، ناکرو اور ڈوریٹ کافی مشہور ہے اس کے جنوب میں تنزانیہ، شمال میں ایتھوپیا اور سوڈان مشرق میں صومالیہ اور جنوب مشرق میں بحر ہند واقع ہے۔ مشہور زمانہ جھیل وکٹوریا کے کچھ حصے کینیا میں ہیں۔ جو مغرب میں یوگا نڈا سے ملاتی ہے۔ کینیا کے باشندے انسان دوست اور وفادار و مخلص ہیں۔ یہاں 85 فیصد لوگ عیسائی، 10 فیصد لوگ مسلمان، ایک اشاریہ پانچ فیصد لوگ لامذہب اور اشاریہ سات فیصد لوگ روایتی مذہب کے ماننے والے ہیں۔
کینیا کے بڑے شہروں میں سب سے بڑا شہر اس کا دارالحکومت نیروبی ہے دوسرا بڑا شہر ممبا سا ہے جو بحر ہند کے کنارے واقع ہے یہاں ایک بڑی بندرگاہ بھی ہے اور ممبا سا جزیرہ بھی قریب ہی ہے۔
_کینیا کے مختلف قبائل اور مسائی قوم، نیروبی نیشنل سفاری پارک کا سفر
مسائی قوم کے لوگ اپنے لمبے قد اور مخصوص دہہی طرز زندگی کے لیے مشہور ہیں یہ ایک قدیم افریقی باشندے ہیں جو جنوبی کینیا میں آباد ہیں۔ ان کا سرخ رنگ کا لباس ان کی شناخت ہے۔ جبکہ جسم کے حصوں پر مختلف رنگ لگاتے ہیں۔ اور قدیم زمانے سے افریقہ کے میدانی، مگر گھنی جھاڑیوں سے بھرے ہوئے علاقے جن میں مخصوص چھتریوں والے درخت بھی پائے جاتے ہیں اور اسی مناسبت سے اس میدانی علاقے کو مارا، یعنی نقطے دار علاقہ کہتے ہیں اور عرف عام میں یہ قوم بھی مسائی مارا کے نام سے جانی جاتی ہے۔ یہاں پر بہنیایک والا دریا بھی مارا دریا کہلاتا ہے مسائی قبیلے کے لوگ ایک زمانے سے اس علاقے میں موجود ہیں اور یہاں دریائے نیل کے کنارے سے ہجرت کرکے آئے تھے۔ اور یہاں کے قدرتی ماحول اور جانوروں اور پرندوں کے ساتھ قدرتی طرز زندگی گزارنے کے عادی ہیں۔ یہ علاقہ جس کے جنوب میں تنزانیہ واقع ہے یہاں پر بے شمار جانوروں جن میں ہاتھی، زرافہ، زیبرا، نیل گائے، ہرن، بارا سنگا، بھیڑ بکریاں اوربھینسے، گائے وغیرہ شامل ہیں اس میدانی گھاس پھوس جھاڑیوں اور چھتری نما درختوں کی کثرت سے موجودگی کو اپنی چراگاہ کے لیے استعمال کرتے ہیں جبکہ شیر، چیتے بلیک پینتھر وغیرہ جیسے درندے اس علاقے میں ان جانوروں کا شکار کرنے آتے ہیں۔ ساتھ ساتھ دریائے مارا کا پانی تمام چرند، پرند اور درندوں کی پیاس بھی بجھاتا ہے۔ اور یہاں عملا” شیر و بکری ایک گھاٹ سے سیراب ہوتے ہیں۔ مسائی مارا کا یہ علاقہ مسائی قوم اور جانوروں کے جھنڈ، ریوڑ کے ریوڑ جو خوراک کی تلاش میں شمال سے جنوب کی طرف گزرتے ہوئے اس علاقے میں قیام اور پھر آگے بڑھتے ہوئے دریائے مارا کے پانی سے سیراب ہوتے ہیں اس دریا کو عبور کرتے ہوئے مزید چراگاہ کی تلاش میں آگے بڑھتے ہوئے، تاک میں لگے، گھات ڈالے درندوں کا شکار بھی ہوتے ہیں۔ ہر سال قدرت کا ایک انوکھا منظر پیش کرتے ہیں۔ اس علاقے کو یونیسکو نے اسی قدرتی کھیل کی آماجگاہ کی وجہ سے ثقافتی ورثہ کے طور پر مختص کر دیا ہے۔ بلکہ ایک زمانے میں یہاں اس طرح کے ایک پارک کو تشکیل دینے کی وجہ بنا کر یہاں سے مسائی قوم کو بھی ہٹانے کی کوشش کی گئی تھی جس کا نقصان یہ ہوا کہ مسائی قوم معدوم ہونے لگی اور اس کے تھوڑے سے افراد بچ رہے بعد میں اس قوم کو بھی اس علاقے کے ساتھ ساتھ محفوظ رکھنے کے لیے پارک کے لیے مختص کیے گئے علاقے انہیں واپس دیے گئے جس میں وہ اب بھی آباد ہیں تاہم ان کی آبادی دنیا کے دیگر خطوں کے قدیم باشندوں کی طرح یہاں بھی کافی کم ہو گئی ہے۔ جانوروں کے ریوڑوں کی، جھنڈ کے جھنڈ کی صورت میں جو عظیم الشان ہجرت یہاں دیکھنے میں آتی ہے وہ بڑی عجیب و غریب ہے۔ کہتے ہیں کہ سال کے اوائل میں، اور جانوروں میں سب سے پہلے زیبرا کے ریوڑ اس ہجرت کا آغاز کرتے ہیں۔ گھاس پھوس کی کمی کی وجہ سے زیبرے جب خوراک نہیں پاتے تو وہ ایک مخصوص سمت چلنا شروع کر دیتے ہیں اور دیکھتے ہی دیکھتے ان کے پیچھے دیگر جانور روں کا ریوڑ بھی چل پڑتا ہے۔ ان تمام جانوروں میں سب سے بڑا گروہ نیل گائے کا ہوتا ہے جو یہاں کے مخصوص جانور ہیں اور یہ جانور جس میں ہاتھی اور زرافے سبھی شامل ہوتے ہیں خوراک کی کمی کی وجہ سے ہجرت پر مجبور طویل ہجرت کا منظر پیش کرتے ہوئے ایک ایسا قدرتی منظر سامنے آتا ہے جس کی کوئی دوسری مثال نہیں۔ جسے دیکھنے ساری دنیا سے لاکھوں سیاح یہاں اتے ہیں اور مختلف طریقے سے جن میں چھوٹے ہوائی جہازوں اور غباروں والی ٹوکریوں میں بیٹھ کر لوگ یہاں اس قدرتی عظیم الشان ہجرت کا معائنہ کرتے ہوئے لطف اٹھاتے ہیں۔ اس ہجرت کے دوران عجیب و غریب واقعات پیش آتے ہیں جو اس ہجرت کا اہم حصہ ہیں۔ یہاں مادہ نیل گائے اسی ہجرت کے دوران بچے جنم دیتی ہیں ان کی ممکن حد تک پرورش اور حفاظت کرتی ہیں اور ایسے میں بہت سارے نو مولود بچے جنگلی درندوں شیر اور چیتے کا شکار بھی بن جاتے ہیں۔ گویا قدرت نے انہیں یہاں اس لیے بھیجا ہوتا ہے کہ گھات لگائے ہوئے شیر چیتے بلیک پینتھر لیو پارڈ، پوما اور اس طرح کے درندوں کی غذا کا بندوبست ہو سکے۔ اور صرف یہی نہیں دریا مارا ایک ایسی قدرتی آماجگاہ ہے جس کے کچھ حصے آبی پودوں سے اس حد تک ڈھکے ہوتے ہیں کہ جن کے درمیان مگرمچھ خود کو پوشیدہ رکھ کر یہاں سے گزرنے والے جانوروں کے شکار کی آس لگائے بیٹھے ہوتے ہیں اور ان گزرتے جانوروں میں سے کچھ جانور ان کے ہاتھوں بھی لقمہ اجل بن جاتے ہیں۔ لیکن اس عظیم الشان ہجرت میں اتنی کثیر تعداد میں، اتنے زیادہ جانور ہوتے ہیں کہ ان میں سے چند ایک ان گوشت خور جانوروں کا شکار بن بھی جائیں تو ان کی کمی کا کسی کو احساس نہیں ہوتا اور اس کے باوجود بہت زیادہ تعداد میں جانور یہاں سے گزر کر اپنی چراگاہ کو پہنچ جاتے ہیں۔ اسی آبی پودوں سے ڈھکے دریا کے حصوں پر پرندیجن میں بگلے، سارس، پپیہے، بطخیں کونج وغیرہ اپنی خوراک کی تلاش میں یہاں اترتی ہیں جو از خود ایک عظیم الشان ہجرت کا حصہ ہیں اور عجیب منظر پیش کرتی ہیں۔ ہجرت جو خوراک، افزائش نسل اور موسم سے بچاو کا ذریعہ ہے۔ یہاں اس ہجرت کے دوران مہیا ہونے والی خوراک کا انوکھا بندوبست بھی ہوتا ہے۔ خوراک اور پانی کی جنگ بھی ہوتی ہے۔ نر جانوروں میں مادہ کے حصول کی جدوجہد بھی۔ یہاں بے شمار کیڑے مکوڑے اور چھوٹے جانور جن میں چوہے اور اس نسل کے دیگر جانور پائے جاتے ہیں ان کی بھی بڑی کثرت میں تعداد موجود ہوتی ہے اور یوں دیگر جانوروں کو خوراک کا لالچ دے کر اسی ہجرت میں شامل کر دیتی ہے۔
بقا کی جنگ، نسل کی افزائش سب کچھ ہجرت میں ہی کیوں پوشیدہ ہے۔ یہ کیسا راز ہے۔کون جانے۔