Blog

سلام آباد (ویب ڈیسک )وفاقی وزیر صحت مصطفیٰ کمال نے سانحہ پمز کے بعد وزیراعظم کو استعفیٰ بھیجنے سے متعلق سوال کا جواب دینے سے گریز کیا اور واضح کیا ہے کہ اسپتال چلانا وزارت صحت کی ذمہ داری نہیں ہے، پمز واقعے پر سیاست کرنے والے ڈرامے بازی بند کردیں۔
نجی ٹی وی شو میں گفتگو کے دوران وزیر صحت نے کہا کہ اسلام آباد میں چار سے پانچ بڑے اسپتال ہیں جہاں شہریوں کا بہت زیادہ رش ہوتا ہے مگر واضح کردوں کہ اسپتال چلانا وزارت صحت کا کام نہیں ہے۔انہوں نے کہا کہ اسپتال چلانا انتظامیہ کا کام ہے مگر پمز واقعے کے بعد سیاست کی جارہی ہے، مجھے بتایا جائے کہ کیا گزشتہ 35 ، چالیس سالوں سے مصطفیٰ کمال کی حکومت ہے؟۔مصطفیٰ کمال نے کہا کہ سیاست کرنے والوں کو کہتا ہوں کہ ڈرامے بازی بند کرو، مجھے سیاسی وابستگی سے کوئی فرق نہیں پڑتا البتہ اکثر تنقید کرنے والوں کی عقل پر دنگ رہ جاتا ہوں۔ وزیرصحت مصطفی کمال نے کہا کہ پمزاسپتال میں 275سےزائدآسامیاں خالی ہیں، یہاں نیا ٹراما سینٹر بنایا گیا جس کیلئے نئی بھرتیاں کی جائیں گی۔

انہوں نے بتایا کہ آتشزدگی کے بعد اسپتال سے 80 کے قریب لوگوں کو ریسکیو کیا گیا۔وفاقی وزیرصحت نے کہا کہ واقعے کے بعد پمزاسپتال میں علاج و معالجے کی سہولیات کی فراہمی جاری ہے۔ تاہم جب میزبان نے اُن سے وزیراعظم کو استعفیٰ ارسال کرنے سے متعلق سوال کیا تو وفاقی وزیرصحت مصطفی کمال نے سوال کا جواب دینے سے گریز کیا۔ انتظامیحکومتی امور کے بارے میں جاننا

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

اسلام آباد(ویب ڈیسک ) وفاقی وزیر اطلاعات عطا اللہ تارڑ نے کہا ہے کہ عمران خان کا طبی معائنہ ان کی بہن کی موجودگی میں کیا گیا، جس میں ڈاکٹروں نے انہیں صحتمند قرار دیا۔
سماجی رابطوں کے پلیٹ فارم ایکس (سابقہ ٹوئٹر) پر اپنے بیان میں عطا تارڑ کا کہنا تھا کہ سپریم کورٹ کے فیصلے کی روشنی میں قیدی کو 20 اور 21 اگست 2026 کی درمیانی شب مناسب حفاظتی انتظامات کے تحت اسپتال لے جایا گیا، جہاں ماہر امراض چشم، ماہر امراض قلب اور فزیشن سمیت مستند ڈاکٹروں کی ٹیم نے ان کا تفصیلی طبی معائنہ کیا۔
وفاقی وزیر نے کہا کہ مستند ڈاکٹروں کی ٹیم نے طبی معائنے کے بعد عمران خان کو طبی طور پر صحت مند قرار دیا۔ ان کی ہمشیرہ محترمہ عظمیٰ خان طبی معائنے اور علاج کے تمام مراحل کے دوران موجود رہیں۔
انہوں نے کہا کہ تمام طبی مراحل مکمل ہونے کے بعد عمران خان کو 21 اگست 2026 کی صبح تقریباً 5 بجے اڈیالہ جیل واپس منتقل کردیا گیا۔
بعد ازاں ایک دوسرے ٹوئٹ میں وزیر اطلاعات عطا تارڑ نے کچھ مزید تفصیلات بتاتے ہوئے لکھا کہ ‏ طبی معائنہ پمز اسپتال میں کرایا گیا جس میں الشفا اسپتال کے ڈاکٹرز بھی موجود تھے۔
پی ٹی آئی کے کارکنوں کی طرف سے جو سیکیورٹی کی صورتحال الشفا اسپتال کے راستے میں اور باہر پیدا کی گئی اس کے پیش نظر ان کو پمز اسپتال لے جایا گیا اور طبی معائنے کے مطابق وہ صحت مند پائے گئے
انہوں نے کہا کہ عمران خان کو پہلے بھی طبی سہولیات فراہم کی جاتی رہی ہیں اور اب بھی جب ان کو ضرورت پڑے گی طبی سہولیات فراہم کی جائیں گی۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

اسلام آباد:(ویب ڈیسک ) بانی پی ٹی آئی کے طبی معائنے کے حوالے سے بات کرتے ہوئے محمود خان اچکزئی نے کہا ہے کہ عمران خان کی بہن کو اسپتال کے دوسرے کمرے میں بند کیا گیا۔
قومی اسمبلی اجلاس اسپیکر سردار ایاز صادق کی صدارت میں شروع ہوا، جس میں اپوزیشن لیڈر محمود خان اچکزئی نے اظہار خیال کرتے ہوئے کہا کہ سارے پاکستان میں خوشی منائی جا رہی تھی کہ بانی پی ٹی آئی کو سپریم کورٹ کے احکامات کے تحت شفا انٹرنیشنل شفٹ کیا جا رہا ہے۔ جغرافیائینقشے اور معلومات حاصل کرناانہوں نے کہا کہ رات پتا چلا کہ اندھیرے میں بانی پی ٹی آئی کو کسی اور اسپتال لے جایا گیا ہے۔ ان کی بہن کو اسپتال کے ایک دوسرے کمرے میں بند کیا گیا۔ انہوں نے کہا کہ پرسوں سرانان میں جو کچھ ہوا کسی کے کان پر جوں تک نہیں رینگی۔ محمود اچکزئی نے کہا کہ ہماری حکومت میں ایسے عناصر ہیں جو تحریک انصاف اور حکومت کے معاملات کو سبوتاژ کر رہے ہیں۔
انہوں نے کہا کہ میں الزام لگا رہا ہوں کہ سرانان میں جو. کچھ ہوا حکومت کے اندر موجود یہ کام کالی بھیڑوں کا ہے۔ ڈائیلاگ کی اچھی فضا بن جاتی ہے ،پتا نہیں کون سی قوتیں اس کو سبوتاژ کر دیتی ہیں۔ سرکاریخدمات اور معلومات تک رسائی

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

اسلام آباد:(ویب ڈیسک ) سینیٹر ناصر بٹ نے بانی پی ٹی آئی کے اسپتال میں طبی معائنے کے حوالے سے کہا ہے کہ سازشی کسی اور چکر میں اسپتال آیا تھا۔میڈیا کے نمائندوں سے گفتگو کرتے ہوئے سینیٹر ناصر بٹ نے کہا کہ سازشی اسپتال میں کسی اور چکر میں آیا تھا۔ وہ کہتا تھا ناں لیڈر بیمار نہیں ہوتے، ان کو دل کے اٹیک ہوتے ہیں۔ وہ گیا تو اسے کہہ دیا کہ واپس گھر جاؤ، ٹھیک ہو۔انہوں نے کہا کہ سپریم کورٹ کے حکم پر من و عن عملدرآمد کیا گیا ہے۔ ڈاکٹر زنے کہہ دیا ہے کہ وہ ٹھیک ہیں۔
دریں اثنا وفاقی وزیر پارلیمانی امور طارق فضل چوہدری نے کہا ہے کہ بانی پی ٹی آئی کے مکمل طبی معائنے اور تشخیصی مراحل کے دوران ہمشیرہ عظمیٰ خان ساتھ موجود رہیں۔ ماہر ڈاکٹروں پر مشتمل میڈیکل بورڈ نے معائنے کے بعد عمران خان کی طبی حالت کو مستحکم قرار دیا۔
انہوں نے کہا کہ شفا انٹرنیشنل اسپتال کے باہر غیر معمولی رش اور سکیورٹی صورتحال کے باعث عمران خان کو پمز منتقل کیا گیا۔ پمز میں ماہرین کی نگرانی میں عمران خان کا تفصیلی طبی معائنہ، تشخیص اور علاج کیا گیا۔ تمام ضروری طبی مراحل مکمل ہو چکے ہیں اور عمران خان کی صحت کی صورتحال بالکل واضح ہے۔
طارق فضل چوہدری نے کہا کہ صحت جیسے حساس معاملے کو سیاسی تنازع یا غیر ضروری سنسنی کا رنگ نہ دیا جائے۔ معاملے پر حقائق کو سامنے رکھتے ہوئے تمام فریقین ذمہ داری کا مظاہرہ کریں۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

لندن (ویب ڈیسک )بانی پی ٹی آئی عمران خان کے قریبی ساتھی نے زلفی بخاری نے کہا ہے کہ جیل میں بند سابق پاکستانی وزیر اعظم کو رہا کیا گیا تو وہ فوج یا فیلڈ مارشل عاصم منیر کی مخالفت میں سامنے نہیں آئیں گے۔
غیر ملکی خبر رساں ادارے رائٹرز سے گفتگو کرتے ہوئے زلفی بخاری نے کہا کہ ’فرض کریں کہ اگر عمران خان کو کل رہا کیا گیا تو وہ ایسا کچھ نہیں کریں گے جس سے ملک کو نقصان پہنچے، اس کا مطلب یہ نہیں ہے کہ آپ اسٹیبلشمنٹ کے ساتھ، عسکری قیادت کے ساتھ جھگڑا کریں‘۔انہوں نے کہا ’آپ اپنی تکلیف پر قابو رکھتے ہیں۔ آپ اپنے درد کو خود برداشت کرتے ہیں، آپ اسے اپنے ملک کی بہتری کے لیے پی جاتے ہیں‘۔
زلفی بخاری نے سپریم کورٹ کے فیصلے کو امید کی نئی کرن قرار دیا اور کہا کہ پی ٹی آئی عدالت کی اس ہدایت کی تعمیل کرے گی کہ اس کے کارکنان اور رہنما اسپتال کے باہر جمع نہ ہوں۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

اسلام آباد(ویب ڈیسک )وفاقی حکومت نے بانی تحریک انصاف عمران خان کی اسپتال منتقلی کے فیصلے کیخلاف دوبارہ نظر ثانی دائر کردی۔ ذرائع نے کہا کہ چیف کمشنر اسلام آباد کی طرف سے متفرق نظر ثانی دائر کی گئی، نئی متفرق نظر ثانی رجسٹرار آفس کے اعتراضات کو دور کرکے دائر کیا گیا۔درخواست میں مؤقف اپنایا گیا کہ ہسپتال منتقل کے عدالتی فیصلہ میں سقم ہے، عدالتی فیصلہ میں جیل رولز کو نظر انداز کیا گیا، مرکزی کیس میں ہمیں فریق نہیں بنایا گیا۔درخواست کے مطابق متفرق درخواست منظور کرکے نظر ثانی کی اجازت دی جائے، 18 اگست کے فیصلہ پر نظر ثانی کی جائے۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

facebook

اسلام آباد:(ویب ڈیسک) بانی پی ٹی آئی عمران خان کا گزشتہ شب طبی معائنہ شفا اسپتال نہیں کہیں اور ہوا ہے۔
وفاقی وزیر اطلاعات عطا اللہ تارڑ نے کہا ہے کہ عمران خان کا طبی معائنہ ان کی بہن کی موجودگی میں کیا گیا، جس میں ڈاکٹروں نے انہیں صحتمند قرار دیا۔سماجی رابطوں کے پلیٹ فارم ایکس (سابقہ ٹوئٹر) پر اپنے بیان میں عطا تارڑ کا کہنا تھا کہ سپریم کورٹ کے فیصلے کی روشنی میں قیدی کو 20 اور 21 اگست 2026 کی درمیانی شب مناسب حفاظتی انتظامات کے تحت اسپتال لے جایا گیا، جہاں ماہر امراض چشم، ماہر امراض قلب اور فزیشن سمیت مستند ڈاکٹروں کی ٹیم نے ان کا تفصیلی طبی معائنہ کیا۔وفاقی وزیر نے کہا کہ مستند ڈاکٹروں کی ٹیم نے طبی معائنے کے بعد عمران خان کو طبی طور پر صحت مند قرار دیا۔ ان کی ہمشیرہ محترمہ عظمیٰ خان طبی معائنے اور علاج کے تمام مراحل کے دوران موجود رہیں۔انہوں نے کہا کہ تمام طبی مراحل مکمل ہونے کے بعد عمران خان کو 21 اگست 2026 کی صبح تقریباً 5 بجے اڈیالہ جیل واپس منتقل کردیا گیا۔بعد ازاں ایک دوسرے ٹوئٹ میں وزیر اطلاعات عطا تارڑ نے کچھ مزید تفصیلات بتاتے ہوئے لکھا کہ ‏ طبی معائنہ پمز اسپتال میں کرایا گیا جس میں الشفا اسپتال کے ڈاکٹرز بھی موجود تھے۔
پی ٹی آئی کے کارکنوں کی طرف سے جو سیکیورٹی کی صورتحال الشفا اسپتال کے راستے میں اور باہر پیدا کی گئی اس کے پیش نظر ان کو پمز اسپتال لے جایا گیا اور طبی معائنے کے مطابق وہ صحت مند پائے گئے
انہوں نے کہا کہ عمران خان کو پہلے بھی طبی سہولیات فراہم کی جاتی رہی ہیں اور اب بھی جب ان کو ضرورت پڑے گی طبی سہولیات فراہم کی جائیں گی۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے

اسلام آباد(ویب ڈیسک)قومی اسمبلی کے بعد سینیٹ نے بھی پاکستان دفاعی افواج ایکٹ 2026منظور کرلیا، ایکٹ تیرہ نومبر 2025سے نافذالعمل ہوگا۔ ایکٹ کے تحت دفاعی افواج کا ایک ہیڈ کوارٹر قائم کیا جائے گا، دفاعی افواج کا ہیڈ کوارٹر مسلح افواج کا ہیڈ کوارٹر ہوگا، دفاعی افواج کا ہیڈ کوارٹر چیف آف ڈیفنس فورسز کی کمان اور اختیارات کے تحت زمہ داریاں سر انجام دے گا۔ڈیفنس ہیڈ کوارٹر قومی سلامتی دفاع اور مسلح افواج سے متعلق تمام امور میں وزیر اعظم کا اعلی فوجی مشیر ہوگا، چیف آف ڈیفنس فورسز مسلح افواج کی عملی کمانڈ اور کنٹرول کا اختیار حاصل ہوگا، مذکورہ کمانڈ اینڈ کنٹرول کے ضمن میں چیف آف ڈیفنس فورسز وفاقی حکومت کو جوابدہ ہوگا۔
چیف آف ڈیفنس فورسز ایسے اختیارات استعمال کرے گا جو کثیر الجہتی انضمام عملی ہم آہنگی رابطہ کاری اور تمام امور کو مشترکہ اور نگرانی کے لئے ضروری ہوں، چیف آف ڈیفنس فورسز مسلح افواج سے متعلق قوانین کے مطابق کسی شخص کو آئین کے آرٹیکل 243کے تحت تقرر کردہ اشخاص کے علاؤہ ملازمت سے ریٹائر ،سبکدوش یا برطرف کرسکے گا۔
چیف آف ڈیفنس فورسز متعلقہ قوانین کے مطابق استعفی کو منظور یا مسترد یا ملازمت کو برقرار رکھ سکے گا، چیف آف ڈیفنس فورسز کسی شخص کی ریٹائرمنٹ کی عمر یا ملازمت کی مدت کی حد میں کمی کرسکے گا۔
چیف آف ڈیفنس فورسز ایسے دیگر اختیارات استعمال کرسکے گا اور ایسے فرائض منصبی سر انجام دے سکے گا جیسا وفاقی حکومت صراحت کرے گی، وفاقی حکومت ایکٹ کے احکامات کو موثر بنانے کے لئے قواعد و ضوابط وضع کرے گی۔
چیف آف ڈیفنس فورسز ایکٹ کے احکامات وضع کردہ قواعدو ضوابط کو موثر بنانے کے لئے ہدایات احکامات صادر کرسکیں گے، ایکٹ کے احکامات کو موثر بنانے میں مشکلات درپیش ہوں یا فی الوقت نافذ العمل کسی دوسرے ایکٹ کے درمیان عدم مطابقت پر صدر مملکت ایسے مشکل کا ازالہ کریں گے۔
قومی اسمبلی کے بعد سینیٹ اجلاس میں نیشنل کمانڈ اتھارٹی ترمیمی بل 2026 کرنے کی تحریک پیش کی گئی۔ وزیر دفاع خواجہ آصف نے تحاریک پیش کیں۔ ایمل ولی خان نے کہا بل پر بحث کرنے کی اجازت دی جائے، چیئرمین سینیٹ نے کہا رولز معطل ہوئے ہیں، اجازت دی گئی تھی۔
پی ٹی آئی ارکان نے حکومتی سینیٹرز سے سوال کیا کہ کیا آپ نے بل پڑھا ہے۔ ایمل ولی خان نے کہا میرے چچا جنہوں نے یہ بل پیش کیا، ان سے کہتا ہوں ہم تو مار کھارہے ہیں شروع سے، ان بلوں کی مار بعد میں بھی کھائیں گے۔ ایک شخص کیلئے قانون سازی نہیں ہونی چاہئے، جن کو نشان عبرت بنانا چاہئے ان کو نشان امتیاز دیا گیا۔
ایمل ولی خان نے کہا اگر یہ اتنا بہترین قانون ہے تو چھپ کر کیوں ہورہا ہے، وزارت کے عہدے ہوں یا آئینی ہوں وہ ذمہ داری والے عہدے ہیں۔ آپ دونوں جماعتیں جمہوریت کے تابوت میں کیل ٹھونک رہے ہو، قوم کو تباہ نہ کریں۔ وہ جو صوبے بنانے کا چیمپئن تھے وہ کہاں گئے، نئے صوبے کے شوشے پر سینیٹ میں بحث ہونی چاہئے، قوموں کو غلام بناکر آپ نہیں رکھ سکتے۔
وزیر قانون اعظم نذیر تارڑ نے کہا رولز کہتے ہیں کہ سپلیمنٹری آسکتا ہے، نیشنل کمانڈ اتھارٹی ایکٹ میں ایک ترمیم کی گئی ہے، چیف آف ڈیفنس فورسز کنکرنٹلی کا لفظ شامل کیا گیا ہے۔ بتایا جائے کون سا ریاضی کا یہ فارمولہ ہے جس پر بیٹھ کر بات کرنی ہے۔
اعظم نذیر تارڑ نے کہا معرکہ حق میں افواج پاکستان اسی کوآرڈینیشن میں لڑیں اور پاکستان کو اللہ نے فتح دی ہے۔ یہ لکھا گیا ہے کہ تینوں مسلح افواج اسی تعاون کے ساتھ کام کریں گی، یہ قومی اسمبلی میں بھی ایک ایک حرف پڑھ کر لوگوں نے پاس کیا ہے۔ History
وزیر دفاع خواجہ آصف نے ڈیفنس فورسز آف پاکستان ترمیمی بل 2026 ایوان میں پیش کردیا جسے نیشنل کمانڈ اتھارٹی ترمیمی بل 2026 سینیٹ سے متفقہ طور پر منظور کرلیا گیا، جبکہ ڈیفنس فورسز آف پاکستان ترمیمی بل 2026 بھی سینیٹ سے منظور کرلیا گیا۔
اعظم نذیر تارڑ نے کہا 27ویں آئینی ترمیم میں چیف آف ڈیفنس فورسز کا دفتر بنایا گیا، اس حوالے سے سیکریٹریٹ کے قیام کے حوالے سے بل متعارف کرایا ہے۔
سینیٹ اجلاس کل صبح ساڑھے 10 بجے تک ملتوی کردیا گیا۔
قبل ازیں وفاقی کابینہ نے ڈیفینس فورسز ایکٹ 2026 اور نیشنل کمانڈ اتھارٹی ایکٹ 2010 میں ترمیم کی منظوری دے دی۔
وزیر اعظم آفس سے جاری بیان کے مطابق وزیراعظم محمد شہباز شریف کی زیر صدارت وفاقی کابینہ کا اجلاس آج اسلام آباد میں منعقد ہوا۔
بیان کے مطابق وفاقی کابینہ نے دفاعی افواج ایکٹ 2026ء (Defence Forces Act 2026) کے مسودے کی منظوری دے دی۔
یہ مسودہ 27ویں آئینی ترمیم کے زریعے کی گئی ترامیم کے تسلسل میں تیار کیا گیا ہے اور اس کا مقصد چیف آف ڈیفنس فورسز کے عہدے اور چیف آف ڈیفنس فورسز ہیڈ کوارٹرز کے حوالے سے متعلقہ انتظامی امور کا تعین کرنا ہے۔
کابینہ کی منظوری کے بعد دفاعی افواج ایکٹ 2026ء کا مسودہ پارلیمان کے جاری اجلاس میں منظوری کے لیے پیش کیا جائے گا۔
وفاقی کابینہ نے نیشنل کمانڈ اتھارٹی ایکٹ 2010ء ( National Command Authority Act 2010) میں ترمیم کی بھی منظوری دے دی۔ جو 27 ویں آئینی ترمیم کے بعد ایک ضروری عمل تھا۔
پاکستان دفاعی افواج ایکٹ 2026 کے اہم نکات
ایکٹ کے تحت دفاعی افواج کا ایک ہیڈ کوارٹر قائم کیا جائے گا، دفاعی افواج کا ہیڈ کوارٹر مسلح افواج کا ہیڈ کوارٹر ہوگا، دفاعی افواج کا ہیڈ کوارٹر چیف آف ڈیفنس فورسز کی کمان اور اختیارات کے تحت زمہ داریاں سر انجام دے گا۔
ڈیفنس ہیڈ کوارٹر قومی سلامتی دفاع اور مسلح افواج سے متعلق تمام امور میں وزیر اعظم کا اعلی فوجی مشیر ہوگا، چیف آف ڈیفنس فورسز مسلح افواج کی عملی کمانڈ اور کنٹرول کا اختیار حاصل ہوگا، مذکورہ کمانڈ اینڈ کنٹرول کے ضمن میں چیف آف ڈیفنس فورسز وفاقی حکومت کو جوابدہ ہوگا۔
چیف آف ڈیفنس فورسز ایسے اختیارات استعمال کرے گا جو کثیر الجہتی انضمام عملی ہم آہنگی رابطہ کاری اور تمام امور کو مشترکہ اور نگرانی کے لئے ضروری ہوں، چیف آف ڈیفنس فورسز مسلح افواج سے متعلق قوانین کے مطابق کسی شخص کو آئین کے آرٹیکل 243کے تحت تقرر کردہ اشخاص کے علاؤہ ملازمت سے ریٹائر ،سبکدوش یا برطرف کرسکے گا۔
چیف آف ڈیفنس فورسز متعلقہ قوانین کے مطابق استعفی کو منظور یا مسترد یا ملازمت کو برقرار رکھ سکے گا، چیف آف ڈیفنس فورسز کسی شخص کی ریٹائرمنٹ کی عمر یا ملازمت کی مدت کی حد میں کمی کرسکے گا۔
چیف آف ڈیفنس فورسز ایسے دیگر اختیارات استعمال کرسکے گا اور ایسے فرائض منصبی سر انجام دے سکے گا جیسا وفاقی حکومت صراحت کرے گی، وفاقی حکومت ایکٹ کے احکامات کو موثر بنانے کے لئے قواعد و ضوابط وضع کرے گی۔
چیف آف ڈیفنس فورسز ایکٹ کے احکامات وضع کردہ قواعدو ضوابط کو موثر بنانے کے لئے ہدایات احکامات صادر کرسکیں گے، ایکٹ کے احکامات کو موثر بنانے میں مشکلات درپیش ہوں یا فی الوقت نافذ العمل کسی دوسرے ایکٹ کے درمیان عدم مطابقت پر صدر مملکت ایسے مشکل کا ازالہ کریں گے۔

Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے