اسلام آباد:
وزیراعظم شہباز شریف نے کہا ہے کہ ہمت اور بہادری کا ایک عمل کئی زندگیوں کو بچا سکتا ہے۔
وطن کے لیے جان قربان کرنے والے طالب علم اعتزاز حسن کی برسی کے موقع پر اپنے بیان میں وزیراعظم شہباز شریف نے کہا کہ آج ہم خیبرپختونخوا کے ضلع ہنگو سے تعلق رکھنے والے پاک مٹی کے فرزند شہید اعتزاز حسن کی شہادت کو یاد کرکے افسردہ ہیں، جن کی غیر معمولی جرأت ہمارے لیے اُمید کی کرن ہے۔
شہباز شریف نے کہا کہ صرف 15 سال کی عمر میں اعتزاز نے بے مثال بہادری کا مظاہرہ کیا اور اپنے اسکول اور ہم جماعتوں کو دہشت گرد حملے سے بچاتے ہوئے اپنی جان قربان کی۔
وزیراعظم نے اپنے بیان میں کہا کہ اعتزاز کا بے لوث اور غیر متزلزل عزم ہمیں یاد دلاتا ہے کہ ہمت اور بہادری کا ایک عمل کئی زندگیوں کو بچا سکتا ہے۔ اعتزاز کی میراث آنے والی نسلوں کے لیے مشعل راہ ہے۔
Blog
-
شہید اعتزاز حسن کی غیر معمولی جرأت ہمارے لیے اُمید کی کرن ہے۔ وزیراعظم
-
عمران خان، بشریٰ بی بی کیخلاف 190 ملین پاؤنڈز ریفرنس پر فیصلہ 13جنوری کو سنایا جائے گا
اسلام آباد:
عمران خان اور بشریٰ بی بی کے خلاف 190 ملین پاؤنڈز ریفرنس پر فیصلہ ایک مرتبہ پھر موخر کر دیا گیا جبکہ جی ایچ کیو حملہ، سانحہ 9 مئی سمیت 13 کیسز پر سماعت 8 جنوری تک ملتوی کر دی گئی۔
احتساب عدالت نے آج فیصلے کی تاریخ مقرر کر رکھی تھی تاہم جج ناصر جاوید رانا کی رخصت کے باعث فیصلہ نہیں سنایا جا سکا۔
عدالتی عملے نے بانی پی ٹی آئی کے وکیل خالد یوسف چوہدری کو آگاہ کر دیا۔ خالد یوسف چوہدری نے کہا کہ کورٹ اسٹاف نے بتایا ہے کہ فیصلہ آج نہیں سنایا جائے گا، عدالتی عملے نے بتایا ہے فیصلہ سنانے کی اگلی تاریخ آج عدالت میں مقرر کی جائے گی۔
عدالتی عملے نے نیب اور عمران خان کے وکیل کو آگاہ کیا کہ 190 ملین پاؤنڈ کیس کے فیصلے کے لیے 13 جنوری کی تاریخ مقرر کر دی ہے۔
کیس کی سماعت اڈیالہ جیل کے بجائے نیب کورٹ جی الیون میں ہوئی۔ فیصلہ سنانے کے لیے عدالت میں ملزمان کی حاضری ضروری ہوتی ہے تاہم بانی پی ٹی آئی کے جیل میں ہونے کی وجہ سے جی الیون سماعت میں ملزمان کی حاضری ممکن نہیں ہو سکی۔ عدالت کی جانب سے فیصلہ سنانے کے لیے نئی تاریخ دیے جانے کا امکان ہے۔
جی ایچ کیو حملہ کیس
جی ایچ کیو حملہ اور سانحہ 9 مئی سمیت 13 کیسز کی سماعت 8 جنوری تک ملتوی کر دی گئی، تمام ملزمان کی عدالت پیشی حاضری لگائی گئی۔
عدالت کے جج امجد علی شاہ ٹریننگ باعث چھٹی پر ہیں اس لیے آج اڈیالہ جیل میں کسی بھی مقدمہ کی سماعت نہیں ہوگی۔ تمام ملزمان کو آج کے لیے حاضری سے استثنا دیا گیا۔ -
سندھ کو محفوظ، مضبوط اور خوشحال بنائیں گے،وزیراعلیٰ سندھ
کراچی:وزیراعلیٰ سندھ سید مراد علی شاہ نے کہا ہے کہ کراچی کے مسائل بہت ہیں لیکن ہم نے کافی حل کر دیئے ہیں۔سندھ ایمرجنسی سروس ریسکیو 1122 کے ہائی وے ریسکیو آپریشنز کی افتتاحی تقریب سے خطاب میں مراد علی شاہ نے کہا کہ چیئرمین بلاول بھٹو کی ہدایت ہے کہ واٹر سپلائی اور نکاسی ا?ب کی اسکیمیں صوبے بھر میں دینی ہیں۔ آج کا دن ہماری جدوجہد کے لیے ایک اہم سنگ میل ہے، ہم سندھ کو محفوظ، مضبوط اور خوشحال بنانے کے لیے کوشاں ہیں، ریسکیو 1122 عالمی معیار کی ایمرجنسی خدمات فراہم کرنے کا بہترین اقدام ہے۔انہوں نے کہا کہ سندھ ایمرجنسی سروس ریسکیو 1122 کا 2022ء میں جدید ترین سینٹرل کمانڈ اینڈ کنٹرول سینٹر کا کراچی میں افتتاح کیا تھا، آج ہم ریسکیو 1122 کے سیٹلائٹ اسٹیشنز کا آغاز کر رہے ہیں جو نہ صرف بڑی شاہراہوں اور موٹرویز کے دائرہ کار میں ہنگامی خدمات سرانجام دیں گے بلکہ قریبی آبادیوں کو بھی سہارا فراہم کریں گے۔مراد علی شاہ نے کہا کہ ریسکیو 1122 سندھ میں ایمرجنسی خدمات کی ضرورت کو پورا کرنے کے لیے قائم کیا گیا ہے، ورلڈ بینک کی معاونت سے یہ منصوبہ شروع کیا گیا تھا اور اب یہ مکمل طور پر سندھ حکومت کے محکمہ بحالی کے تحت کام کر رہا ہے۔وزیراعلیٰ نے کہا کہ ریسکیو 1122 کے ورکرز کو بین الاقوامی سطح کی اکیڈمی سے مکمل پیشہ ورانہ تربیت دی جاتی ہے، ہم سندھ کے عوام کو اعلیٰ معیار کی ایمرجنسی خدمات فراہم کرنا چاہتے ہیں، سندھ حکومت جدید ترین ریسکیو مشینری، بشمول جدید آلات اور سامان ریسکیو 1122 کو فراہم کر رہی ہے۔انکا مزید کہنا تھا کہ عوام کو ریسکیو 1122 کے ذریعے ایمرجنسی کی صورت میں بے حد فائدہ پہنچے گا، تربیت یافتہ ریسکیو اہلکار اور جدید آلات کا یہ پیشہ ورانہ امتزاج یقیناً قیمتی جانیں بچائے گا، ریسکیو 1122 ضرورت مندوں کو بروقت مدد فراہم کرے گا۔
-
ٹرمپ کو سزا سنانے کیلئے 10 جنوری کی تاریخ مقرر
غیر ملکی خبر رساں ادارے کے مطابق امریکی جج نے کاروباری معلومات میں جعلسازی سے متعلق مقدمے میں ٹرمپ پر فرد جرم برقرار رکھی اور سزا سنانے کیلئے 10 جنوری کی تاریخ مقرر کردی۔
میڈیا رپورٹس میں بتایا گیا ہے کہ نومنتخب صدرکو جیل کی سزا ممکنہ طورپر نہیں سنائی جائے گی۔
دوسری جانب ریپبلکن رہنما کی جانب سے ڈونلڈ ٹرمپ کے خلاف عدالتی فیصلے پر اپیل دائر کیے جانے کا امکان ہے۔
واضح رہے کہ ڈونلڈ ٹرمپ مجرم قرار دیے جانے کے باوجود صدر کی حیثیت سے خدمات انجام دینے والے امریکا کے پہلے صدر ہوں گے۔ -
اے آئی کے اثرات، گوگل نے مزید 10 فیصد ملازمین فارغ کر دیئے
کیلیفورنیا: آرٹیفیشل انٹیلیجنس (اے آئی) کے آنے کے بعد سرچ انجن (گوگل) نے ایک بار پھر بڑی تعداد میں اپنے ملازمین کو نوکری سے فارغ کر دیا۔
غیر ملکی خبر رساں ایجنسی کے مطابق گوگل نے اس بار اپنے انتظامی عہدوں سے لوگوں کو فارغ کر دیا۔ گوگل نے ڈائریکٹر اور نائب صدر سمیت 10 فیصد ملازمین کو نوکری سے فارغ کیا۔
گوگل کے سی ای او سندر پچائی نے ملازمین کی ایک میٹنگ میں 10 فیصد ملازمین کو فارغ کرنے کا اعلان کیا۔
سندر پچائی نے کہا کہ کمپنی کو اوپن اے آئی جیسے حریفوں سے مقابلے کا سامنا ہے۔ اور اس سے نمٹنے کے لیے بہتر کارکردگی کی ضرورت ہے۔
ملازمین اور ذمہ داران کو نوکریوں سے فارغ کرنے کے بعد کمپنی نے کچھ منیجرز کو انفرادی طور پر دوبارہ معاملات سونپ دیئے۔
واضح رہے کہ گزشتہ برس بھی تشکیل نو کے لیے گوگل کی جانب سے انتہائی قدم اٹھایا گیا تھا۔ اور 12 ہزار سے زائد ملازمین کو نوکری سے ہاتھ دھونا پڑا تھا۔
رپورٹ کے مطابق ملازمین کو نوکریوں سے نکالنے کا فیصلہ سی ای او کے وسیع لائحہ عمل کا حصہ ہے۔ جس کو 2022 میں متعارف کرایا گیا تھا۔ جس کا مقصد گوگل کو 20 فیصد مزید بہتر کرنا اور اے آئی پر مشتمل مستقبل کو اپنانا ہے۔ -
چکن، پیاز اور کیلا مہنگا، ٹماٹر 13 فیصد سستا
اسلام آباد:
ملک میں مہنگائی کی شرح میں مسلسل اضافے کے بعد حالیہ ہفتے 0.26 فیصد کمی واقع ہوگئی۔
سالانہ بنیادوں پرمہنگائی کی شرح 5.08 فیصد سے کم ہوکر3.97 فیصد ہوگئی، حالیہ ہفتے میں 18 اشیاء مہنگی اور 10 اشیاء سستی ہوئیں جبکہ 23 اشیاء کی قیمتیں مستحکم رہیں، ایک ہفتے میں ٹماٹر 13 فیصد سستے ہوئے، چکن 10.28 فیصد، پیاز 4.9 فیصد، کیلا 1.68 فیصد مہنگا ہوگیا۔
وفاقی ادارہ شماریات کی جانب سے جمعہ کو مہنگائی کی ہفتہ وار رپورٹ میں بتایا گیا ہے کہ حالیہ ہفتے کے دوران ملک میں مہنگائی سے سب سے زیادہ متاثر 44 ہزار 176 روپے ماہانہ تک آمدنی رکھنے والا طبقہ متاثر ہوا اس طبقے کیلئے مہنگائی کی شرح میں 4.15 فیصد اضافہ ہوا۔
وفاقی ادارہ شماریات کی جانب سے جاری کردہ مہنگائی کی ہفتہ وار رپورٹ کے مطابق حالیہ ہفتے کے دوران پیاز کی قیمت میں 4.93 فیصد، چکن کی قیمتوں میں 10.28 فیصد، چینی کی قیمت میں 0.95 فیصد، گڑ کی قیمتوں میں 0.58 فیصد، کیلے کی قیمتوں میں 1.68 فیصد، دال مونگ کی قیمتوں میں 1.08 فیصد، ڈیزل کی قیمتوں میں 1.18 فیصد، پٹرول کی قیمتوں میں0.21 فیصد، جلانے والی لکڑی کی قیمتوں میں 0.55 فیصد اورگھی کی قیمتوں میں0.28 فیصد اضافہ ہوا۔
دال چنا کی قیمتوں میں 0.34 فیصد، دال ماش کی قیمتوں میں0.05 فیصد، ٹماٹر کی قیمتوں میں 13.48 فیصد، آلو کی قیمتوں میں 5.59 فیصد، انڈوں کی قیمتوں میں 0.23، ایل پی جی کی قیمتوں میں 0.18 فیصد، بجلی کی قیمتوں میں 7.48 فیصد، لہسن کی قیمتوں میں 0.21 فیصد اور آٹے کی قیمتوں میں 0.09 فیصد کمی واقع ہوئی -
ڈیوٹی میں رعایت سے درآمدی اشیاء کی قیمتوں میں کمی کا امکان
کسٹم ڈیوٹی میں رعایت کے باعث ڈی ایٹ ممالک سے درآمدی اشیاء کی قیمتیں کم ہونے کا امکان ہے۔
ایف بی آر کے مطابق درآمدی آٹمز میں کھانے پینے اور روز مرہ کے استعمال کی اشیاء شامل ہیں، پاکستان میں سات ملکوں سے کم ڈیوٹی پر اشیاء درآمد کی جا سکیں گی۔
کم امپورٹ ڈیوٹی کے فیصلے سے مصنوعات کی قیمتیں کم ہونے کا امکان ہے، آٹھ ممالک سے درآمدی ٹیرف لائن پر کسٹمز ڈیوٹی میں رعایت کا نوٹیفکیشن جاری کردیا گیا ہے۔
بنگلا دیش، مصر، انڈونیشیا، ایران، ملائیشیا، نائجیریا اور ترکی کے لیے رعایت دی گئی، ایف بی آر ان ملکوں سے اشیاء کی درآمد پر ڈیوٹی میں مرحلہ وار کمی کرے گا۔
ایف بی آر کا کہنا ہے کہ 2026 میں درآمدی ائٹمز پر کسٹمز ڈیوٹی کم ہوکر 12.50 سے 20 فیصد تک ہوگی ،ایف بی آر
2027 میں درآمدی آئٹمز پر کسٹمز ڈیوٹی 11.25 سے 17.50 فیصد تک ہوگی، 2028 میں درآمدی ائٹمز پر کسٹمز ڈیوٹی 10 سے 15 فیصد تک ہوگی۔ -
مختلف شہروں میں مرغی کے گوشت کی قیمتوں میں اضافہ
پشاور میں برائلر مرغی کی قیمت میں مزید 25 روپے کا اضافہ ہو گیا ہے، فی کلو زندہ مرغی کی قیمت 485 سے بڑھ کر 510 روپے ہو گئی ہے۔
کراچی میں مرغی کی قیمت میں بڑا اضافہ ہوگیا ہے، دکانداروں نے گزشتہ روز کے سرکاری نرخ 635 کو نظرانداز کرتے ہوئے من مانے نرخ وصول کرنا شروع کر دیے ہیں۔
شہر قائد میں مرغی کا گوشت 700 سے 740 روپے تک فروخت ہو رہا ہے، اس طرح ایک ہفتے کے دوران مرغی کی قیمت میں 100 روپے کلو کا اضافہ ہو گیا ہے، انڈوں کی سرکاری قیمت 300 روپے مقرر ہے لیکن فی درجن انڈے 380 روپے میں فروخت کئے جا رہے ہیں۔
زندہ مرغی کی سرکاری قیمت 410 روپے مقرر ہے لیکن ہول سیل میں زندہ مرغی 480 روپے میں فروخت ہو رہی ہے۔
لاہور میں زندہ برائلر مرغی کا تھوک ریٹ 397 مقرر کیا گیا ہے، سرکاری نرخنامے میں پرچون ریٹ 411 روپے کلو ہے جبکہ برائلر گوشت کی قیمت 595 کی سطح پر برقرار ہے، انڈوں کی فی درجن قیمت 329 روپے پر مستحکم ہے، منافع خور سرکاری نرخوں کو نظرانداز کرکے من مانے ریٹ وصول کررہے ہیں۔
ملتان میں برائلر مرغی کا تھوک ریٹ 398، زندہ برائلر کا پرچون ریٹ 412، برائلر گوشت کی فی کلو قیمت 595 روپے ہے جبکہ انڈوں کی فی درجن قیمت 317 روپے ہے۔ گزشتہ روز اسلام آباد کے نواحی علاقوں میں مرغی کا گوشت 730 روپے میں فروخت ہوتا رہا۔ اس طرح ملک کے دیگر شہروں میں مرغی کی قیمتوں میں فرق موجود ہے۔ -
سب میرین کیبل میں خرابی، ملک میں انٹرنیٹ کی فراہمی متاثر ہونے کا خدشہ
اسلام آباد: سب میرین کیبل میں خرابی کے باعث ملک میں انٹرنیٹ کی فراہمی متاثر ہونے کا خدشہ ظاہر کیا جارہا ہے۔
پاکستان ٹیلی کمیونیکیشن اتھارٹی (پی ٹی اے) کے مطابق قطر کے قریب سب میرین کیبل اے اے ای ون میں خرابی ہوئی ہے۔
پی ٹی اے نے خدشہ ظاہر کیا ہے کہ کیبل میں خرابی سے انٹرنیٹ، براڈ بینڈ صارفین کو مسائل کا سامنا کرنا پڑسکتا ہے۔
پی ٹی اے کے مطابق کیبل پاکستان کوبین الاقوامی انٹرنیٹ ٹریفک سے جوڑنے والی 7 زیر سمندر کیبلز میں سے ایک ہے۔
اتھارٹی کا کہنا ہے کہ ٹیمیں خرابی دورکرنے کی کوشش کر رہی ہیں اور پی ٹی اے کی جانب سے صورتحال کی نگرانی کی جارہی ہے۔ -
اسٹاک ایکسچینج میں تیزی کے بعد مندی، انڈیکس ایک لاکھ 16 ہزار پوائنٹس کی سطح پر آگیا
کراچی:
پاکستان اسٹاک ایکسچینج میں ابتدائی تیزی کے بعد مندی کا رجحان ہے، جس کے سبب انڈیکس ایک لاکھ 16 ہزار پوائنٹس کی سطح پر آ گیا۔
کاروباری ہفتے کے آخری روز بازارِ حصص میں مارکیٹ کا آغاز 622 پوائنٹس کی تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر 117742 پوائنٹس کی سطح پر آ گیا۔
بعد ازاں مارکیٹ میں مندی کا رجحان آیا اور پی ایس ایکس میں 258، 1258 اور پھر 482 پوائنٹس کی گراوٹ دیکھی گئی، جس کے بعد اسٹاک ایکسچینج کا جمعہ کے روز پہلا سیشن ختم ہونے کے وقت کے ایس ای 100 انڈیکس گھٹ کر 116636 پوائنٹس کی سطح پر پہنچ گیا۔