Blog

اسلام آباد (کنزیومر واچ نیوز) راولپنڈی اور اسلام آباد میں وقفے وقفے سے بارش اور مری میں برفباری کا سلسلہ جاری ہے۔مری میں صبح سے شدید برفباری کا سلسلہ جاری ہے۔ جڑواں شہروں میں بھی وقفے وقفے سے بادل برس رہے ہیں۔ترجمان کے مطابق جڑواں شہروں میں مجموعی طور 40 ملی میٹر سے زائد بارش ریکارڈ کی جا چکی ہے۔ گولڑہ کے مقام 58 ملی میٹر، بوکڑہ 36 ملی میٹر، پی ایم ڈی 28 ملی میٹر، شمس آباد 21 ملی میٹر اور کچہری کے مقام پر 20 ملی میٹر بارش ریکارڈ کی گئی ہے۔ نالہ لئی اور شہر کے دیگر نالوں میں پانی کا بہاؤ معمول کے مطابق ہے

اسلام آباد (کنزیو مر واچ نیوز) وزیراعظم شہباز شریف نے کہا ہے کہ نہتے شہریوں کو نشانہ بنانے والے دہشت گردوں کو بہت سخت قیمت چکانی ہوگی۔بلوچستان کے شہر بارکھان میں دہشت گردوں کی بس میں فائرنگ سے نہتے مسافروں کے جاں بحق ہونے پر افسوس کا اظہار کرتے ہوئے وزیراعظم شہباز شریف نے جاں بحق افراد کے لیے دعائے مغفرت اور لواحقین کے لیے صبر و استقامت کی دعا کی۔وزیراعظم نے مجرموں کو جلد از جلد کیفر کردار تک پہنچانے کی ہدایت کی۔

کراچی(کنزیومر واچ نیوز) چیمپیئنزٹرافی میں کونسے نوجوان کرکٹرز مرکز نگاہ ہونگے۔آئی سی سی نے 5 کھلاڑیوں کے نام بتادیےپاکستان کے نسیم شاہ، بھارت کے شبھمن گل، نیوزی لینڈ کے رچن رویندرا، افغانستان کے نور احمد اور انگلینڈ کے ہیری بروک شامل ہیں۔فاسٹ بولر نسیم شاہ نے 23 ون ڈے میچز میں 45 وکٹیں حاصل کررکھی ہیں، بھارتی بیٹر شبھمن گل بھی فہرست کا حصہ ہیں۔ گل نے 50 میچز میں 60 کی اوسط سے دوہزار 587 رنز اسکورکئے۔دوہزارتئیس ورلڈکپ میں نیوزی لینڈ کے ٹاپ اسکورر رچن رویندرا بھی فیوچر اسٹارز کی فہرست میں شامل ہیں، افغانستان کے اسپنر نور احمد اور انگلینڈ کے ہیری بروک بھی چیمپئنزٹرافی میں مرکز نگاہ ہونگے۔