کراچی:(کنزیومر واچ نیوز)شہر قائد سمیت سندھ کے کئی شہروں میں ہیٹ ویو کا امکان ہے، اس دوران شدید گرمی کی لہر سے شہریوں کو خبردار رہنے کی ہدایت کی گئی ہے۔محکمہ موسمیات کے مطابق آج سے 30 اپریل تک صوبہ سندھ کے بیشتر علاقے ہیٹ ویو کی لپیٹ میں رہنے کا امکان ہے اور اس دوران درجہ حرارت معمول سے 6 سے 8 ڈگری زیادہ ریکارڈ ہو سکتا ہے۔ماہرین نے بتایا ہے کہ تھرپارکر،عمرکوٹ اور میرپورخاص میں معمول سے 4 تا 6 ڈگری اضافی بڑھنے کی توقع ہے۔
Blog
-
کھیل میں سیاست؛ پہلگام واقعہ! “کرکٹ نہیں کھیلیں گے”
ممبی (کنزیومر واچ نیوز)بھارتی کرکٹ بورڈ (بی سی سی آئی) نے اپنی حکومتی ایما پر ایک مرتبہ پھر کھیل میں پھر سیاست لے آیا۔میڈیا رپورٹس کے مطابق گزشتہ روز بھارت کے زیر قبضہ مقبوضہ وادی کشمیر کے علاقے پہلگام میں دہشتگرد حملے کے بعد بھارتی کرکٹ بورڈ (بی سی سی آئی) نے حکومتی دباؤ پر پاکستان سے کسی بھی قسم کی کرکٹ کھیلنے سے انکار کردیا ہے۔بھارتی کرکٹ بورڈ کا کہنا ہے کہ پہلگام واقعہ اور موجودہ سفارتی تعلقات کو دیکھتے ہوئے پاکستان کے ساتھ کسی بھی سطح پر کرکٹ میچز منعقد نہیں کیے جائیں گے۔
-
ربیکا خان نے ٹک ٹاک سے ہوئی پہلی کمائی کا انکشاف کردی
کراچی (کنزیومر واچ نیوز)پاکستان کی معروف ٹک ٹاکر ربیکا خان نے ٹک ٹاک سے ہوئی پہلی کمائی کا انکشاف کردیا۔حال ہی میں گفتگو کرتے ہوئے ربیکا خان نے انکشاف کیا کہ ’ میں 2019 سے ویڈیو بنارہی ہوں ، پہلے میری ویڈیو پر 100 ویوز آتے ہیں لیکن اچانک ہی لوگوں کو میری ویڈیوز پسند آنے لگیں اور ویوز ملینز میں چلے گئے ‘۔میزبان کی جانب سے کمائی سے متعلق پوچھے گئے سوال پر ربیکا نے بتایا کہ ’ ٹک ٹاک پر پہلی کمائی 25 ہزار تھی جسے ملنے پر میں بہت خوش ہوئی تھی،
-
پہلگام واقعہ: بھارتی آبی جارحیت کا منہ توڑ جواب دینے کی تیاریاں
اسلام آ باد(کنزیو مر واچ نیوز)پہلگام واقعے کے بعد بھارت کی آبی جارحیت اور دیگر اقدامات کا بھرپور جواب دینے کے لیے پاکستان کی سیاسی و عسکری قیادت سر جوڑ کر بیٹھ گئی۔وزیراعظم شہباز شریف کی صدارت ہونے والے قومی سلامتی کمیٹی کے اجلاس میں سول اور عسکری قیادت شریک ہیں، اجلاس میں پہلگام میں فالس فلیگ آپریشن کے بعد بھارتی اقدامات کا بھرپور جواب دیا جائے گا۔ذرائع کے مطابق اجلاس میں بھارتی غیرذمےدارانہ اقدامات کا تفصیلی جائزہ لیا جائے گا اور کمیٹی عجلت میں کیےگئے بھارتی ناقابل عمل آبی اقدامات کاجواب دینےکا بھی جائزہ لے گی۔
-
سیاحوں کیلئے خوشخبری، ناران 5 ماہ بعد کھول دیا گیا
ناران (کنزیو مر واچ نیوز)سیاحوں کیلئے خوشخبری، خوبصورت مقام ناران کو 5 ماہ کے طویل وقفے کے بعد کھول دیا گیا۔ناران میں ہوٹلز ایسوسی ایشن کی جانب سے باقاعدہ دعائیہ تقریب کے بعد سیاحتی سیزن کا آغاز ہوگیا، اس موقع پر صدقے کے طور پر بیل بھی ذبح کیا گیا۔ناران میں ہوٹلز اور ریسٹورنٹ کھلنے کے ساتھ سیاحوں کی آمد بھی شروع ہوگئی ہے۔ کاغان ڈیولپمنٹ اتھارٹی نے بھی جھیل سیف الملوک روڈ کھولنے کا کام شروع کر دیا۔رپورٹ کے مطابق سیاحوں کو اب برف سے ڈھکی جھیل سیف الملوک کے خوبصورت مناظر دیکھنے کو مل سکیں گے
-
مستونگ میں انسداد پولیو ٹیم پر حملہ، دو لیویز اہلکار شہید
مستونگ (کنزیو مر واچ نیوز)بلوچستان کے علاقے مستونگ میں نامعلوم افراد کی جانب سے پولیو ٹیم پر حملے میں دو لیویز اہلکار شہید ہوگئے۔لیویز ذرائع کے مطابق حملے میں ایک اہلکار نیک محمد موقع پر شہید ہوگئے جبکہ مقصود احمد اسپتال میں دم توڑ گئے۔ دونوں اہلکار پولیو ٹیم کی سیکورٹی پر مامور تھے۔واقعے کے بعد سیکیورٹی فورسز نے علاقے کی ناکہ بندی کرکے ملزمان کی تلاش شروع کردی ہے جبکہ حملے کے بعد ضلع میں پولیو مہم معطل ہوگئی۔ اے ڈی سی منان ترین کا کہنا ہے کہ پولیو مہم غیر معینہ مدت کیلئے ملتوی کی گئی ہے۔
-
اکلوتا بیٹا ایک کروڑ روپے لیکر رفوچکر یا اغوا
راولپنڈی:(کنزیومر واچ نیوز)سعودیہ سے آنے والے شخص کا اکلوتا بیٹا، والد سے ایک کروڑ روپے لے کررفو چکر ہوگیا یا پھر اغوا، معاملہ الجھ گیا، پولیس نے والد کی مدعیت میں مقدمہ درج کرلیا۔رپورٹ کے مطابق راولپنڈی کے تھانہ دھمیال کے علاقے میں انوکھی واردات سامنے آئی ہے، جس میں بھاری رقم کے لیے ایک شخص کو اغوا کرلیا گیا ہے یا پھر بیٹا ہی ایک کروڑ روپے لے کر اپنے والد کو دھوکا دے کر فرار ہوگیا ۔پولیس کے مطابق 45 سال سے سعودی عرب میں روزگار کے لیے مقیم شخص کے اکلوتا بیٹے نے اپنے والد سے ایک کروڑ روپے منگوائے اور اس کے بعد سے پراسرار طور پر غائب ہے۔ والد چھٹی پر پاکستان آیا توبیٹا رقم سمیت غائب پایا، جس پر پولیس میں مقدمہ درج کروایا گیا۔
-
سندھ حکومت ٹینکر مافیا کا خاتمہ کرے،احسن اقبال
کراچی (کنزیومر واچ نیوز)وفاقی وزیر منصوبہ بندی احسن اقبال نے کہا ہے کہ حکومت سندھ اس بات کو یقینی بنائے کہ کے فور پانی منصوبے کی تکمیل کے بعد ٹینکر مافیا کا خاتمہ ہو۔کراچی واٹر سپلائی کی نگرانی کے لیے قائم کمیٹی کے پہلے اجلاس میں گفتگو کرتے ہوئے احسن اقبال نے کہا کہ پانی براہ راست شہریوں کے گھروں تک پہنچنا چاہیے۔احسن اقبال کا کہنا تھا کہ منصوبوں کے ڈائریکٹرز مکمل ٹائم لائنز فراہم کریں تاکہ بجٹ اصل پیشرفت کے مطابق جاری ہو
-
بھینس اور بیل کے کمرے میں گھس آنے پر خاتون 2 گھنٹے کیلئے الماری میں بند
فرید آباد(کنزیو مر واچ نیوز)بھارت میں ایک آوارہ بیل اور بھینس کے گھر میں گھس آنے پر خاتون نے خود کو الماری میں بند کرلیا۔بھارتی میڈیا کے مطابق یہ واقعہ فریدآباد کے علاقے ڈبوا کالونی میں پیش آیا جہاں ایک گھر میں آوارہ بیل اور بھینس نے گھس کر گھر والوں کو خوف میں مبتلا کردیا۔سپنا نامی خاتون گھر میں اپنی عبادت میں مصروف تھی، سپنا کے بچے اپنے رشتے دار جب کہ اس کی ساس گھر کے کسی کام سے باہر گئی ہوئی تھی، گھر کا پرسکون ماحول اس وقت خراب ہوا جب ایک آوارہ بیل اور بھینس دروازہ کھلا دیکھ کر گھر میں داخل ہوئے اور وہ دیکھتے ہی دیکھتے سپنا کے کمرے میں گھس گئے۔بیل سپنا کے بیڈ پر چڑھ گیا اور بھینس کمرے میں فرش پر ہی کھڑی رہی، جس پر ڈر و خوف میں مبتلا سپنا نے خود کو الماری میں بند کرلیا۔میڈیا رپورٹس کے مطابق گھر سے آوازیں آنے پر اہلہ محلہ گھر کے باہر جمع ہوگئے جس کے بعد انہوں نے گھر میں گھس کر دونوں آوارہ جانوروں کو کبھی پانی ڈال کر تو کبھی مار کر بھگانے کی بھی کوشش کی، صرف اتنا ہی نہیں بلکہ پٹاخوں کی آواز سے بھی جانوروں کو ڈرانے کی کوشش کی گئی لیکن جانور کمرے سے نہ ہلے۔اس کے بعد ایک پڑوسی اپنا پالتو کتا لیا اور اس نے جانوروں پر چھوڑ دیا، کتے کی آواز سن کر دونوں جانور گھر سے باہر نکل گئے، جانوروں کو گھر سے نکالنے کیلئے پڑوسیوں کو 2 گھنٹے کا وقت لگا اور اتنی دیر سپنا الماری میں ہی بند رہی۔
-
ڈکٹیشن نہیں دو…پنجاب نے سندھ کو تٹری لگا دی
لاہور(کنزیومر واچ نیوز)وزیر اطلاعات پنجاب عظمیٰ بخاری نے کہا ہے کہ کینالز منصوبے میں سیلاب کا پانی استعمال ہوگا اور اس پر سندھ ہمیں ڈکٹیشن نہیں دے سکتا۔لاہور میں میڈیا سے گفتگو کرتے ہوئے عظمیٰ بخاری نے کہا کہ پیپلزپارٹی کوسندھ کے کسانوں کی فکرکیوں نہیں ہوتی؟ پیپلزپارٹی سندھ میں 16 سال سے اقتدارمیں ہے، اپنی کارکردگی پردھیان دے، اگرپیپلزپارٹی غلط بیانی سے کام لےگی توجواب دینا پڑے گا۔