لاہور: (کنزیومرواچ نیوز)یوٹیوبر سعد عرف ڈکی بھائی نے رہائی کے بعد پہلا ویڈیو بیان جاری کیا ہے، این سی سی آئی اے نے ریمانڈ کے دوران کیا کیا سب بتادیا۔سعدالرحمان اپنی رہائی کے بعد پہلی بار سوشل میڈیا پلیٹ فارم پر نظر آئے اور اپنی ویڈیو کے دوران کئی بار وہ نہایت آبدیدہ ہوگئے، ڈکی بھائی نے بتایا کہ این سی سی آئی اے نے 23 روزہ ریمانڈ لیا، پہلے 23 منٹ میں سب بتادیا تھاڈکی بھائی نے رہائی کے بعد اپنے یوٹیوبل چینل پر جاری پہلے ویڈیو بیان میں مزید انکشاف کیا کہ موبائل، لیپ ٹاپ اور تمام اکاؤنٹس کے پاسورڈ دیدیے تھے پھر بھی بری طرح تشدد کیا گیاانھوں نے بتایا کہ تعاون کے باوجود مجھ پر تشدد ہوا اور گالیاں دی گئیں، سابق ڈپٹی ڈائریکٹر نے 7 سالہ بچے کو ویڈیو کال پر لےکر مجھے گالیاں دلوائیں ڈکی بھائی نے کہا کہ 3 لاکھ 26 ہزار یو ایس ڈی ٹی اسسٹنٹ ڈائریکٹر شعیب ریاض کے اکاؤنٹ میں ٹرانسفر کیے گئے، 3 لاکھ 26ہزار یو ایس ڈی ٹی پاکستانی 9 کروڑ روپے بنتے ہیں۔اپنی ویڈیو کے آخر میں ڈکی بھائی عرف سعدالرحمان نے فیلڈ مارشل عاصم منیر اور پاکستانی اداروں کا شکریہ ادا کرتے ہوئے پاکستان زندہ باد کا نعرہ بھی لگایا۔
Blog
-
چیف آف ڈیفنس فورسز کے اعزاز میں گارڈ آف آنر کی تقریب
راولپنڈی (کنزیومرواچ نیوز)جی ایچ کیو میں “چیف آف ڈیفنس فورسز کے اعزاز میں گارڈ آف آنر” کی تقریب منعقد ہوئی۔آئی ایس پی ار کے مطابق جی ایچ کیو میں پروقار تقریب میں فیلڈ مارشل سید عاصم منیر، نشان امتیاز (ملٹری)، ہلال جرات، چیف آف آرمی اسٹاف و چیف آف ڈیفنس فورسز کو تینوں مسلح افواج کے دستے کی طرف سے گارڈ آف آنر پیش کیا گیا۔تقریب بطور پاکستان کے پہلے چیف آف ڈیفنس فورسز تعینات ہونے پر فیلڈ مارشل سید عاصم منیر کے اعزاز میں منعقد کی گئی۔تقریب میں چیف آف دی نیول اسٹاف اور چیف آف ائیر اسٹاف سمیت اعلیٰ عسکری افسران بھی شریک تھے۔اعزازی دستے کی جانب سے مہمان خصوصی کو جنرل سلامی پیش کی گئی، مہمان خصوصی فیلڈ مارشل سید عاصم منیر نے اعزازی دستے کا معائنہ کیا، پروقار تقریب میں اعلی فوجی افسران نے بھی شرکت کی۔
-
چھینی اور چوری کی گئیں 150 گاڑیاں اے آئی کیمروں کی مدد سے برآمد
کراچی (کنزیومرواچ نیوز)سندھ حکومت کے نئے منصوبے ایس 4 کے جدید ترین اے آئی کیمروں کی مدد سے کراچی سے چھینی یا چوری کی گئی 150 سے زائد گاڑیاں برآمد کر لی گئیں۔پولیس کے مطابق گاڑیوں کی چوری اور چھینا جھپٹی کے الزامات میں ایک خاتون سمیت 200 ملزمان کو گرفتار کیا جا چکا ہے۔ پولیس ذرائع کے مطابق چہروں اور نمبر پلیٹس کی شناخت کرنے والے جدید ترین آرٹیفیشل انٹیلی جنس کیمرے مختلف شہروں کے داخلی اور خارجی راستوں پر لگائے گئے ہیں۔ کراچی میں کیمروں سے لاکھوں چالان، اسٹریٹ کرمنلز، ٹارگٹ کلرز اور گٹر کے ڈھکن چور گرفت سے آزادکراچی سے چھینی و چوری کی گئی تمام گاڑیوں اور مطلوب ملزمان کا ڈیٹا بھی ایس فور کیمروں کے ڈیٹا بینک میں شامل کیا گیا ہے۔ جوں ہی چوری شدہ گاڑی یا ملزمان شہروں کے انٹری ایگزٹ راستوں سے گزرتے ہیں تو اے آئی کیمروں سے مذکورہ گاڑیوں اور ملزمان کی ازخود فوری نشاندہی ہو جاتی ہے۔ کراچی میں حال ہی میں تشکیل دی گئی سندھ پولیس ہائی وے پیٹرول کا عملہ مذکورہ گاڑیوں کو روک کر ملزمان کو گرفتار کرتا ہے اور اس طرح سے چوری کی گئی یا چھینی گئی گاڑیاں برآمد کی جاتی ہیں۔
-
غزہ جنگ کا دباؤ، ایک اور اسرائیلی فوجی کی خودکشی
جدہ (کنزیومرواچ نیوز)غزہ میں جاری دو سالہ جنگ میں شامل ایک اور اسرائیلی فوجی نے خودکشی کرلی ہے۔اسرائیلی میڈیا کے مطابق رافیل بارزانی نامی فوجی غزہ میں کارروائیوں میں حصہ لیتا رہا اور شدید ذہنی دباؤ کا شکار تھا۔رپورٹس کے مطابق بارزانی پوسٹ ٹرامیٹک اسٹریس ڈس آرڈر (PTSD) میں مبتلا تھا، جو جنگی صدمات کے باعث پیدا ہونے والی ذہنی کیفیت ہے۔اس بیماری میں مریض کو خوفناک خواب، فلیش بیک اور ذہنی بے چینی کا سامنا رہتا ہے، جس سے معمولاتِ زندگی شدید متاثر ہوتے ہیں۔اس واقعے کے بعد غزہ جنگ میں شریک اسرائیلی فوجیوں میں ذہنی بیماریوں اور خودکشی کے بڑھتے ہوئے رجحان پر اسرائیل میں اندرونی سطح پر نئی بحث چھڑ گئی ہے۔
-
گڈز ٹرانسپورٹرز کا غیر معینہ مدت کیلیے پہیہ جام ہڑتال کا اعلان
کراچی:(کنزیومرواچ نیوز)گڈز ٹرانسپورٹرز نے بروز پیر سے غیر معینہ مدت تک ملک گیر پہیہ جام ہڑتال کا اعلان کردیا۔اس اعلان کا اظہار سابق رکن سندھ اسمبلی اور پاکستان گڈز ٹرانسپورٹ الائنس کے صدر ملک شہزاد اعوان نے اپنے ویڈیو بیان میں کیا۔ملک شہزاد اعوان کے مطابق گڈز ٹرانسپورٹرز نے پنجاب حکومت کو 72 گھنٹوں کا الٹی میٹم دیا تھا، جس میں گاڑیوں کے خلاف درج ایف آئی آرز واپس لینے، گاڑیوں کو ناجائز روکنے کا سلسلہ ختم کرنے اور ڈرائیورز کی گرفتاریوں پر اعتراضات شامل تھے۔انہوں نے دعویٰ کیا کہ پنجاب پولیس کی جانب سے ٹرانسپورٹروں کے ڈرائیورز کو لاک اپ میں رکھا گیا جبکہ متعدد گاڑیوں کے خلاف ایف آئی آرز بھی درج کی گئیں، جس پر احتجاج کرتے ہوئے ٹرانسپورٹرز نے حکومت کو تین روز کی مہلت دی تھی۔ملک شہزاد اعوان نے بتایا کہ 72 گھنٹوں کے دوران اگرچہ پنجاب حکومت کے نمائندوں نے رابطہ کیا لیکن مطالبات کے حل کے لیے کوئی عملی پیش رفت نہیں کی گئی۔انہوں نے اعلان کیا کہ پیر سے کراچی سمیت ملک بھر میں گڈز ٹرانسپورٹرز کوئی لوڈنگ نہیں کریں گے۔ ان کا کہنا تھا کہ جب تک وفاقی، پنجاب اور سندھ حکومتیں تمام مطالبات تسلیم نہیں کرتیں، پہیہ جام ہڑتال غیر معینہ مدت تک جاری رہے گی۔ملک شہزاد اعوان نے اس تمام تر صورتحال کا ذمہ دار پنجاب حکومت کو قرار دیا۔راولپنڈی اسلام آباد میں اسکول کالج کے لیے چلنے والی پک اینڈ ڈراپ سروس بھی ہڑتال میں شامل ہیں۔ پک اینڈ ڈراپ وینز گھروں پر نہ پہنچیں جس کے بعد والدین از خود بچوں کو تعلیمی ادروں میں چھوڑنے پر مجبور ہوگئے۔شاہراؤں پر صبع سویرے پبلک ٹرانسپورٹ کی نقل و حرکت بھی نہ ہونے کے برابر۔ مال بردار اور گڈز ٹرانسپورٹرز بھی ہڑتال میں شامل ہیں۔ اتوار کو اضلاع کی سطح پر انتظامیہ کے ٹرانسپورٹرز سے مزاکرات جاری تھے۔ رات گیے تک لاہور میں صوبائی سطح پر بھی مذکرات ہوئے لیکن آرڈینس کے معاملہ پر ڈیڈ لاک برقرار رہا۔راجہ خاقان جمیل نے کہا کہ حکومت پنجاب ہمارے مطالبات کو منظور کرنے سے انکاری ہے۔ مطالبات کی منظوری تک کوئی ٹرانسپورٹر اپنی گاڑی کو روڈ کے اوپر نہ لے کر آئے۔ سوزوکی یونین کی جانب سے پک اینڈ ڈراپ اور دیگر ٹرانسپورٹ سے مسافروں کو اتار دیا گیا۔اسی طرح گڈز ٹرانسپورٹرز نے کنٹینرز، ٹرالرز اور ٹینکرز بھی روک دیے۔ تمام سامان بردار گاڑیوں کو پہیہ جام کر دیا گیا۔ کراچی بندرگاہ سے کوئی نئے سامان کی ترسیل کے لیے لوڈنگ روک دی گئی۔ تمام گاڑیاں ان لوڈ ہو کر ٹرک اسٹینڈ پر رک رہی ہیں۔
-
بھارت کی آبی دہشت گردی، دریائے چناب میں پانی کا ریلہ چھوڑ دیا
لاہور (کنزیومرواچ نیوز)بھارت نے خوفناک آبی دہشت گردی کرتے ہوئے دریائے چناب میں پانی کا ریلہ چھوڑ دیا۔رپورٹ کے مطابق دریائے چناب میں پانی کا بہاؤ 58 ہزار300 کیوسک ہوگیا، گندم کی فصل کو نقصان پہنچانے کےلیے بھارت نے ڈیم خالی کیے۔بھارت اب ڈیم دوبارہ بھرے گا جس سے دریائے چناب میں پانی کا بہاؤ صفر ہوسکتا ہے، گندم کی فصل کو نقصان پہنچانے کے لیے بھارت نے آبی دہشت گردی کی۔قبل ازیں ہیڈ مرالہ سمیت دیگر دریاؤں اور آبی ذخائر میں پانی کی آج صبح 6 بجے کی صورتحال کے حوالے سے ترجمان واپڈا نے کہا کہ تربیلا کے مقام پر دریائے سندھ میں پانی کی آمد 20 ہزار 500 کیوسک اور اخراج 28 ہزار کیوسک ہے، منگلا کے مقام پر دریائے جہلم میں پانی کی آمد 3 ہزار 400 کیوسک اور اخراج 35 ہزار کیوسک ہے۔ترجمان واپڈا نے کہا کہ چشمہ بیراج میں پانی کی آمد 32 ہزار 400 کیوسک اور اخراج 35 ہزار کیوسک ہے، ہیڈ مرالہ کے مقام پر دریائے چناب میں پانی کی آمد 63 ہزار 200 کیوسک اور اخراج 56 ہزار 900 کیوسک ہے۔ترجمان واپڈا نے کہا کہ نوشہرہ کے مقام پر دریائے کابل میں پانی کی آمد 7 ہزار 400 کیوسک اور اخراج 7 ہزار 400 کیوسک ہے، تربیلا ریزروائر میں آج پانی کی سطح 1490.27 فٹ اور پانی کا ذخیرہ 26 لاکھ 68 ہزار ایکڑ فٹ ہے۔ترجمان واپڈا نے کہا کہ منگلا ریزروائر میں آج پانی کی سطح 1212.10 فٹ اور پانی کا ذخیرہ 50 لاکھ 51 ہزار ایکڑ فٹ ہے۔چشمہ ریزروائر میں آج پانی کی سطح 646.60 فٹ اور پانی کا ذخیرہ 1 لاکھ 97 ہزار ایکڑ فٹ ہے، تربیلا، منگلا اور چشمہ کے ریزروائرز میں قابل استعمال پانی کا مجموعی ذخیرہ 79 لاکھ 16 ہزار ایکڑ فٹ ہے۔ترجمان واپڈا نے کہا کہ تربیلا، اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد و اخراج 24 گھنٹے کے اوسط بہاؤ کی صورت میں ہے۔
-
پی ٹی آئی والوں کا اس مٹی سے کوئی رشتہ نہیں،وزیردفاع خواجہ آصف
اسلام آباد (کنزیومر واچ نیوز)وفاقی وزیردفاع خواجہ آصف نےکہا پی ٹی آئی نے گالم،گلوچ کو اپنا وطیرہ بنا لیا ہے،اس مٹی کے ساتھ انکا کوئی رشتہ نہیں،جب ایسی زبان کسی فرد اور ادارے کےخلاف بولی جائے گی تو جواب آنا فطری ہے، ڈی جی آئی ایس پی آر نے بڑا مختاط جواب دیا ہے۔وزیر دفاع خواجہ آصف نےسیالکوٹ میں میڈیا سےگفتگو میں کہا تحریک کی انصاف کی موجودہ لیڈر شپ کی زبان بھی وہی ہےجو باہربیٹھے افراد استعمال کر رہے ہیں،سیاست کریں لیکن ملک دشمنی نہ کریں۔مزیدکہامیں نےشہدا کےکئی جنازےپڑھےہیں کیایہ پاکستان کےشہری نہیں ہیں،ان کےصوبے میں شہادتیں ہوتی ہیں یہ جنازوں میں نہیں جاتے،یہ شہدا کے قربانیون کوتسلیم نہیں کررہے، انکو چاہیئےکہ شہدا کے جنازوں میں جائیں دہشت گردوں اور طالبان کی حمایت نہ کریں۔اس سےقبل وفاقی وزیردفاع نےاپنے بیان میں کہا فوج پرتنقیدہم نےبھی کی لیکن کبھی سرخ لکیر عبور نہیں کی،سوشل میڈیاپرسب کچھ پی ٹی آئی کی مرضی سےہورہاہے،پی ٹی آئی کے لوگ طالبان کو بھتہ دیتے ہیں۔وفاقی وزیردفاع خواجہ آصف نے کہابانی پی ٹی آئی کی بہن کی بھارتی میڈیا سے بات چیت تابوت میں آخری کیل ثابت ہوئی،چیئرمین پی ٹی آئی کیابات کرینگےجب ان کی اپنی پارٹی مخالفانہ بیانات دےرہی ہے، بیرسٹرگوہرکوکوئی لفٹ نہیں کراتا،پارٹی ورکرز ان کیخلاف بیان دیتے ہیں، تحریک انصاف دہشت گردی کے خلاف جنگ کی کھلی مخالفت کرتی ہے،وزیراعلیٰ خیبرپختونخوادہشتگردی کےخلاف جنگ نہیں لڑرہے۔مزیدکہا نوازشریف نےبھارتی میڈیا انٹرویوزمیں کبھی پاکستان کےوجود،سالمیت کیخلاف بات نہیں کی،پی ٹی آئی نےاپنےکسی رہنماکی پاکستان مخالف بات پرایک باربھی مذمت نہیں کی،نوازشریف کوقیدکیا گیا،انکو3مرتبہ ہٹایاگیالیکن کبھی ریڈلائن کراس نہیں کی۔،خواجہ آصف نےکہاپیپلزپارٹی کےلیڈرکوپھانسی دی گئی اسکے باوجود انہوں نے 9 مئی جیسا واقعہ نہیں کیا، محترمہ بینظیربھٹوکو شہیدکیاگیاپیپلزپارٹی نےتوکبھی بھارت کوآوازنہیں دی،پیپلزپارٹی اورن لیگ نےکبھی 9 مئی جیسااقدام نہیں کیا۔
-
کرپٹو ایکسچینج کمپنی کی قیادت کا دورہ، وزیراعظم اور آرمی چیف سے ملاقاتیں
اسلام آباد (کنزیومرواچ نیوز)بین الاقوامی کرپٹو ایکسچینج کمپنی بائنانس کی سینئر لیڈر شپ نے پاکستان کا اہم دورہ کیا، جس دوران وفد نے وزیراعظم شہباز شریف اور چیف آف ڈیفنس فورسز فیلڈ مارشل عاصم منیر سے ملاقاتیں کیں۔ ملاقاتوں میں ڈیجیٹل اثاثہ جات سے متعلق قواعد و ضوابط کو مؤثر اور مضبوط بنانے پر اتفاق کیا گیا۔بائنانس کے اعلیٰ سطحی وفد کی قیادت گلوبل سی ای او رچرڈ ٹینگ کر رہے تھے۔ وفد کے ہمراہ ہونے والی ملاقات میں چیئرمین پاکستان ورچوول ایسٹ ریگولیٹری اتھارٹی (PVARA) بلال بن ثاقب نے بھی شرکت کی، جنہوں نے وفد کو اپنے ادارے کی کارکردگی، ذمہ داریوں اور ڈیجیٹل اثاثوں کی ریگولیشن کے حوالے سے پیش رفت پر بریفنگ دی۔بائنانس اس وقت دنیا کی سب سے بڑی کرپٹو ایکسچینج کمپنیوں میں سے ایک ہے اور عالمی سطح پر ڈیجیٹل ٹریڈنگ پلیٹ فارم کے طور پر کام کر رہی ہے۔
-
سکیورٹی فورسز کی کارروائیاں، بھارتی حمایت یافتہ 9 خوارج ہلاک
راولپنڈی (کنزیومرواچ نیوز)سکیورٹی فورسز نے خیبر پختونخوا میں 2 کارروائیاں کرتے ہوئے بھارتی حمایت یافتہ 9 دہشتگردوں کو ہلاک کردیا۔پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے ضلع ٹانک میں خفیہ اطلاعات پر آپریشن کیا اور فتنۃ الخوارج کے ٹھکانے کو مؤثر انداز میں نشانہ بنایا، ٹانک میں شدید فائرنگ کے تبادلے میں7 خوارج مارے گئے۔آئی ایس پی آر نے بتایا کہ سکیورٹی فورسز نے لکی مروت میں بھی خوارج کے خلاف خفیہ اطلاعات پر آپریشن کیا، لکی مروت میں فائرنگ کے تبادلے میں 2خوارج ہلاک ہوئے۔شعبہ تعلقات عامہ کا کہنا ہے کہ مارے گئے بھارتی حمایت یافتہ خوارج سے اسلحہ اور گولہ بارود بھی برآمد ہوا، مارے گئے خوارج دہشت گردانہ کارروائیوں میں ملوث تھے۔آئی ایس پی آر کے مطابق دہشتگردوں کے نیٹ ورک کے خاتمے کے لیے متعلقہ علاقوں میں کلیئرنس آپریشنز جاری ہیں، یہ آپریشن ملک سے دہشتگردی کے ناسور کو ختم کرنے تک جاری رہیں گے۔صدر آصف علی زرداری، وزیر اعظم شہباز شریف اور وفاقی وزیر داخلہ محسن نقوی نے خیبرپختونخوا میں بھارتی حمایت یافتہ دہشتگردوں کے خلاف 2 کامیاب آپریشنز پر سکیورٹی فورسز کو خراج تحسین پیش کرتے ہوئے فورسز کی پیشہ وارانہ مہارت کو سراہا۔تینوں شخصیات کا کہنا تھا سکیورٹی فورسز نے بروقت کارروائیاں کرکے خوارجیوں کو ہلاک کیا، خوارجیوں کے ناپاک عزائم کو خاک میں ملانے پر سکیورٹی فورسز کوخراج تحسین پیش کرتا ہوں، سکیورٹی فورسز کی جرات اور پیشہ ورانہ مہارت پر فخر ہے، فتنہ الخوارج کے خلاف سکیورٹی فورسز بڑی کامیابیاں سمیٹ رہی ہیں، خیبرپختونخوا میں قیام امن کیلئے فورسز پرعزم ہیں۔
-
سرگودھا میں باپ نے تین سالہ بیٹی سمیت نہر میں چھلانگ لگا دی
لاہور (کنزیومرواچ نیوز)سرگودھا میں ایک 35 سالہ شخص نے اپنی تین سالہ بیٹی سمیت نہر میں چھلانگ لگا دی۔ریسکیو ذرائع کے مطابق یہ افسوسناک واقعہ پھلروان کے علاقے میں پیش آیا۔ ریسکیو ٹیموں نے کئی کلومیٹر تک تلاش کے بعد تین سالہ بچی کی لاش برآمد کی۔بچی کی لاش کو قانونی کارروائی مکمل کرنے کے بعد ورثا کے حوالے کر دیا گیا ہے جبکہ بچی کے والد کی تلاش جاری ہے۔پولیس کا کہنا ہے کہ واقعے کی تمام پہلوؤں سے تحقیقات کی جا رہی ہیں۔