Blog

کوئٹہ (کنزیومرواچ نیوز)بلوچستان کے ضلع خضدار میں افواج پاکستان نے 14 اور 15 ستمبر کی درمیانی شب انٹیلیجنس اطلاعات کی بنیاد پر کامیاب آپریشن کرتے ہوئے بھارت کے حمایت یافتہ ’’فتنۃ الہند‘‘ کے 5 دہشتگردوں کو ہلاک کر دیا۔پاک فوج کے شعبہ تعلقات عامہ (آئی ایس پی آر) کے مطابق اطلاعات تھیں کہ بھارت کے حمایت یافتہ ’’فتنۃ الہند‘‘ کے دہشتگرد خضدار کے علاقے میں موجود ہیں۔آپریشن کے دوران سیکیورٹی فورسز نے دہشتگردوں کے ٹھکانے کو مؤثر طریقے سے نشانہ بنایا اور شدید فائرنگ کے تبادلے میں پانچ بھارتی اسپانسرڈ دہشتگردوں کو جہنم واصل کر دیا گیا۔ہلاک شدہ دہشتگرد علاقے میں متعدد دہشتگرد کارروائیوں میں ملوث رہے تھے۔ ان کے قبضے سے بھاری مقدار میں اسلحہ، گولہ بارود اور دھماکا خیز مواد بھی برآمد کیا گیا۔آپریشن کے بعد علاقے میں کلیئرنس اور سینیٹائزیشن کا عمل جاری ہے تاکہ کسی بھی چھپے ہوئے دہشتگرد کو گرفتار یا ہلاک کیا جا سکے۔پاک فوج اور سیکیورٹی ادارے ملک سے بھارتی حمایت یافتہ دہشتگردی کے مکمل خاتمے کے لیے پرعزم ہیں، اور قوم کے اس عزم کی تجدید کرتے ہیں کہ دہشتگردوں اور ان کے سہولت کاروں کو انصاف کے کٹہرے میں لایا جائے گا۔وفاقی وزیر داخلہ محسن نقوی نے خضدار میں بھارتی اسپانسرڈ دہشتگردوں کے خلاف کامیاب آپریشن پر سیکیورٹی فورسز کی ستائش کی۔ انہوں نے دہشتگردوں کو جہنم واصل کرنے پر سیکیورٹی فورسز کی پیشہ وارانہ صلاحیتوں کو سراہا۔محسن نقوی نے کہا کہ سیکیورٹی فورسز نے ایک بار پھر بھارتی اسپانسرڈ دہشتگردوں کے مذموم عزائم کو ناکام بنایا، بھارتی اسپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔وزیر داخلہ کا کہنا تھا کہ قوم سیکیورٹی فورسز کے ساتھ شانہ بشانہ کھڑی ہے، فتنۃ الہندوستان کے دہشتگردوں کے مکمل خاتمے تک آپریشنز جاری رہیں گے۔

راولپنڈی۔‏ڈی جی آئی ایس پی آر لیفٹیننٹ جنرل احمد شریف چوہدری نے کہا کہ فوج میں اس بارے میں “بالکل کوئی تشویش نہیں ہے کہ پاکستان اگلا ہدف بن سکتا ہے بالکل کوئی تشویش نہیں۔”
انہوں نے وضاحت کرتے ہوئے کہا کہ پاکستان اور ان دو ممالک کے درمیان “زمین آسمان کا فرق” ہے۔
انہوں نے کہا: “ہم ایک مستند اور اعلان شدہ ایٹمی طاقت ہیں، اور دنیا کا اس بات کا کوئی تجربہ نہیں کہ کسی مستند ایٹمی طاقت کے خلاف مہم جوئی کرے یا کرنے کی کوشش کرے۔ اگر ایسی کوئی مہم جوئی کی گئی یا اس کی کوشش بھی کی گئی تو اس کے بھیانک نتائج نکلیں گے جنہیں دنیا برداشت نہیں کر پائے گی۔”
انہوں نے مزید کہا: “لہٰذا جیسا کہ میں پہلے بھی کہہ چکا ہوں اور اب پھر واضح طور پر کہتا ہوں — ایک مستند ایٹمی طاقت کے ساتھ عسکری یا جنگی گنجائش تلاش کرنا محض خام خیالی، سراسر بیوقوفی اور ناقابلِ تصور ہے۔”
پاکستان ہمیشہ زندہ باد
#PakistanZindabad
#pakarmy_zindabad_challenge

کراچی (پ ر ) ذہنی معذور بچے بھی ملک و قوم کا بیش قیمت اثاثہ ہیں۔ اُن کی تعلیم اور صحت کے لیے طویل مدتی بنیادوں پر اقدامات لینے کی ضرورت ہے۔5کور کراچی نے معذور بچوں کی تعلیم اور تربیت کے لیے جو اقدامات لیے وہ قابل ستائش اور قابل تقلید ہیں۔ اللہ پاک ان بچوں کو دیگر کئی خوبیوں اور صلاحیتوں سے نوازتے ہیں۔ ان خیالات کا اظہار محترمہ سعدیہ راشد نے کیا جو گزشتہ روز ہمدرد کارپوریٹ ہیڈ آفس میں کراچی گیریژن ایجوکیشن سسٹم کے ڈائریکٹر بریگیڈیئر (ر) احمد فرخ ’ستارہ امتیاز۔ملٹری‘، میجرریٹائرڈ عبدالجبار اور ’کے جی ای ایس‘ کی ماتحت درس گاہ ’ اسپیشل ایجوکیشن اسکول‘ کی پرنسپل مس سبین سے معذور بچوں کے لیےمساوی تعلیمی مواقع فراہم کرنے کے موضوع پر تبادلہ خیال کررہی تھیں۔
محترمہ سعدیہ راشد نے کہاکہ ہمدرد فائونڈیشن پاکستان اسپیشل ایجوکیشن اسکول کے ساتھ اپنی شراکت داری اور ہر ممکن تعاون جاری رکھے گا۔ ذہنی معذور بچے کی تعلیم اور فنی تربیت نہ صرف اُس کے بہتر مستقبل کی ضمانت ہے بلکہ معاشرے کی اجتماعی بھلائی کا بھی ذریعہ ہے۔ تعلیم ان بچوںکو اپنی صلاحیتوں کو پہچاننے اور اعتماد کے ساتھ زندگی گزارنے کا موقع فراہم کرتی ہے، جبکہ فنی تربیت اُن کے لیے روزگار کے دروازے کھولتی ہے تاکہ وہ دوسروں کا محتاج بننے کے بجائے خود کفیل ہو سکیں۔ ایسے بچوں کی فکری اور عملی تربیت اُنہیں معاشرتی دھارے میں شامل کرنے کا بہترین ذریعہ ہے، کیوں کہ جب یہ بچے کسی ہنر یا پیشے میں مہارت حاصل کر لیتے ہیں تو نہ صرف اپنا مقام بناتے ہیں بلکہ اپنی محنت اور قابلیت سے دوسروں کے لیے مثال بھی قائم کرتے ہیں۔
بریگیڈیئر (ر) احمد فرخ نے بتایا کہ کراچی گیریژن ایجوکیشن سسٹم کے تحت ۲۰۱۹ء میں قائم ہونے والے اسپیشل ایجوکیشن اسکول‘ کا مقصد معذور بچوں کو علم سے آراستہ کرنا اور ہنرکی تربیت دے کر خود مختار بناناہے، جس کے لیے ان کی انفرادی ضروریات کو مدنظر رکھتے ہوئے خصوصی تعلیمی پروگرام ترتیب دیے جاتے ہیں اور اُنہیں فنی تربیت دی جاتی ہے۔ ہمدرد فائونڈیشن پاکستان کی رفاہی اداروں کو معاونت نہ صرف معذور بچوں کی تعلیمی ضروریات پوری کرنے میں معاون ہے بلکہ انہیں فنی تربیت اور عملی زندگی کے لیے تیار کرنے میں بھی اہم کردار اداکررہی ہے۔ ادارے کی یہ کاوش دراصل محترمہ سعدیہ راشد کی انسانیت نوازی اور قوم کی خدمت کے جذبے کا روشن مظہر ہے۔
معزز مہمانوں نے ملاقات کے دوران ہمدرد پاکستان کے چیف آپریٹنگ آفیسر فیصل ندیم اور ڈائریکٹرپروگرامز اینڈ سی ایس آر، ہمدرد فائونڈیشن پاکستان سید محمد ارسلان کے ساتھ معذور بچوں کی تعلیم اور کفالت سے جڑے دیگر امور پر بھی تبادلہ خیال کیا اور مستقبل میں باہمی تعاون کو مزید وسعت دینے پر غور و خوض ہوا۔