ٹورنٹو کے مقامی ہال میں شاندار تقریب پذیرائی منعقد ہوئی، ادبی و ثقافتی شخصیات نے بھرپور شرکت کر کے تقریب کو یادگار بنادیا
.ڈاکٹر بشارت ریحان نے تقریب کے دوران تمام مہمانوں کو خوش آمدید کہا اور سلام، نمستے، ست سریا کال کہہ کر دل جیت لیے
قیصر وجدی کو اردو زبان کا بہترین شاعر قرار دیا گیا، ان کی شاعری محبت، انسانیت اور رواداری کے پیغام سے بھرپور ہے
پنجابی زبان کے ممتاز شاعر اور فوک سنگر حسنین اکبر بابا کو اعزاز دیا گیا، جن کے کلام میں پنجاب کی مٹی کی خوشبو نمایاں طور پر نظر آتی ہے
دونوں شخصیات کی خدمات تسلیم کرتے ہوئے اعزازی ڈاکٹریٹ کی ڈگری عطا کرنے سے اردو اور پنجابی عالمی سطح پر نمایاں ہوئیں،بشارت ریحان
کینیڈا:نمائندہ خصوصی
گزشتہ دنوں، ٹورنٹو کے مقامی ہال میں شاندار تقریب پذیرائی کا اہتمام کیا گیا۔ تقریب ادبی و ثقافتی تنظیموں کے زیر اہتمام برپا کی گئی وشو پنجابی صبا،اور کاروان شعر و سخن کی تقریب پاکستان کی دو ممتاز شخصیات کو امریکن یونیورسٹی ایگلز کی جانب سے اعزازی ڈاکٹریٹ کی ڈگری دئیے جانے کے سلسلے میں تھی، تقریب کے روح رواں ممتاز شاعر ڈاکٹر بشارت ریحان تھے جو کہ کینیڈا کی کئی ادبی تنظیموں کے ڈائریکٹر ہیں ان کے ہمراہ عبدالحمید حمیدی بھی تھے تقریب کے آغاز میں اسٹیج پر موجود احباب نے دونوں صاحب اعزاز احباب کو مبارک باد پیش کی اور ان احباب کی خدمات پر تا دیر گفت گو کی، ہال میں سامعین و حاضرین کی تعداد قبل رشک تھی، تقریب پذیرائی میں منتظم تقریب ڈاکٹر بشارت ریحان نے شاندار خیالات کا اظہار کرتے ہوئے کہاکہ میں تقریب میں شامل تمام احباب کی خدمت میں، سلام،نمستے،ست سریا کال کہنے کی جسارت کرتاہوں،امریکن یونیورسٹی ایگلز کی جانب سے قیصر وجدی اور حسنین اکبر بابا کو اعزازی ڈاکٹریٹ کی ڈگریوں سے نوازے جانے پر،قلب و روح کی گہرائیوں سے مبارک باد پیش کرتا ہوں، یہ انتہائی خوشی اور فخر کا لمحہ ہے کہ آپ دونوں بلند پایہ شخصیات کی عظیم علمی، ادبی، ثقافتی،اور سماجی خدمات کو بین الاقوامی سطح پر تسلیم کیا گیا،قیصر وجدی کو اردو زبان کا عمدہ اور بہترین شاعر قرار دینا در حقیقت اردو شاعری کے فروغ تر ویج کی جانب ایک عظیم قدم ہے،ان کا کلام نہ صرف زبان و بیان کی خوبصورتی کا مرقع ہے،بلکہ انسانیت، محبت،اور رواداری کا وہ ارفع پیش کرتا ہے جس کی آج کی دنیا میں اشد ضرورت ہے،اسی طرح حسنین اکبر بابا کو پنجابی زبان کا بہترین شاعر اور فوک سنگر قرار دیا جانا، پنجابی ثقافت،اور موسیقی کی عالمی سطح پر پذیرائی کی واضح دلیل ہے،ان کی آواز میں پنجاب کی مٹی کی خوشبو اور کلام میں پنجابی تہذیب و تمدن کی جھلک نمایاں ہے ان کی شاعری محبت اور امن کا پیغام عام کرتی ہے ،امریکن یونیورسٹی ایگلز
کے اس فیصلے نے نہ صرف آپ دونوں احباب کی عظمت کو تسلیم کیا ہے بلکہ اردو اور پنجابی زبانوں کی ثقافتی اہمیت کو بھی عالمی سطح پر اجاگر کیا ہے،یہ اعزاز صرف آپ کے لئے ہی نہیں بلکہ ہماری ثقافت اور ادب کے لئے بھی باعث فخر ہے،میں آپ دونوں شخصیات کی خدمات کو خراج تحسین پیش کرتے ہوئے،امریکن یونیورسٹی ایگلز کی انتظامیہ کا بھی شکریہ ادا کرتا ہوں جنہوں نے ادب و ثقافت کی قدر افزائی کا یہ خوبصورت مظاہرہ کیا ہمیں ہیرا فاو¿نڈیشن کی وائس چیئر پرسن ڈاکٹر شاہینہ کشورکا بھی دل کی اٹھا گہرائیوں سے شکریہ ادا کرتا ہوں جن کی وساطت سے یہ خوبصورت تقریب سر انجام پائی، میں ڈاکٹر دلبیر سنگھ کتھوریا کو بھی مبارک باد پیش کرتا ہوں، جنہوں نے بالیقین ایک انتہائی خوبصورت اور اعلی تقریب کا اہتمام یقینی بنایا، ڈاکٹر جاوید ٹونی وائس چانسلر کا بھی شکر گزار ہوں کہ ان کی کاوشات کا ثمر آج ہمارے سامنے ہے، آج ہمارے بہت پیارے دوست قیصر اقبال وجدی،اور حسنین اکبر بابا، ڈاکٹریٹ کی ڈگریاں حاصل کر چکے ہیں،آخر میں، میں آپ دونوں حضرات کو دل کی گہرائیوں سے مبارک باد پیش کرتا ہوں اور آپ کی صحت و تندرستی کے لئے دعا گو ہوں،اللہ پاک آپ کے چراغ زندگی کو ہمیشہ روشن رکھے،آمین
