کراچی(کنزیومر واچ نیوز)یاماہا پاکستان نے موٹرسائیکل کے شوقین افراد کے لیے ایک دلچسپ پیشکش کی ہے، جس کا مقصد زیادہ سے زیادہ صارفین کے لیے یاماہا موٹرسائیکل خریدنا آسان بنانا ہے۔ کمپنی نے “اب خریدو، بعد میں ادا کرو” کی طرز پر نیا فنانسنگ آپشن متعارف کروا دیا ہے۔یاماہا پاکستان نے سوشل میڈیا پوسٹ کے ذریعے اسٹینڈرڈ چارٹرڈ بینک کے ساتھ شراکت داری کا اعلان کیا ہے، جس کے تحت صارفین “آسان انسٹالمنٹ پلان” کے ذریعے یاماہا موٹرسائیکل خرید سکتے ہیں۔”اسٹینڈرڈ چارٹرڈ آسان انسٹالمنٹ پلان کے ساتھ، آپ یاماہا موٹرسائیکل 12 ماہ کی اقساط میں 0% مارک اپ پر حاصل کر سکتے ہیں۔”یہ آفر ان صارفین کے لیے بہترین ہے جو ایک ہی دفعہ بڑی رقم ادا کرنے سے بچنا چاہتے ہیں اور ماہانہ قسطوں پر بائیک خریدنے کے خواہشمند ہیں۔یاماہا نے 2024 میں YBR125G ماڈل میں نیا رنگ متعارف کروایا ہے۔کمپنی نے اپنے فیس بک پیج پر نئے ماڈل کے حوالے سے اعلان کرتے ہوئے کہاکہ:”نئی یاماہا YBR125G کو متعارف کروایا جا رہا ہے، اب شاندار میٹالک یلو کلر میں۔ اپنی مہمات پر نکلیں اور سڑکوں پر چمک بکھیر دیں۔”یاماہا کا یہ نیا رنگ سڑک پر نمایاں نظر آنے کے لیے ایک منفرد اور پرکشش انتخاب ہے۔ کمپنی کے مطابق اس منفرد رنگ کی بدولت موٹرسائیکل کا اسٹائل اور جاذبیت مزید بڑھ جائے گی۔
یاماہا پاکستان کی جانب سے شاندار آفر کا اعلان
