کوئٹہ(کنزیومرواچ نیوز) سکیورٹی فورسز کے آپریشن میں 10 دہشتگرد مارے گئے۔سکیورٹی ذرائع کا بتانا ہے کہ سکیورٹی فورسز نے کوئٹہ کے مضافاتی علاقے غزہ بند میں دہشتگردوں کے خلاف آپریشن کیا جس دوران 10 دہشتگرد ہلاک ہوگئے۔سکیورٹی ذرائع کے مطابق دہشتگردوں سے مقابلے میں 2 سکیورٹی اہلکار بھی زخمی ہوئے۔سکیورٹی ذرائع کا کہنا ہےکہ مشترکہ انٹیلی جنس بیسڈ آپریشن بھارتی اسپانسرڈ دہشتگردوں کی موجودگی کی اطلاع پر کیا گیا جس دوران شدید فائرنگ کا تبادلہ ہوا۔سکیورٹی ذرائع نے مزید بتایا کہ ہلاک دہشتگردوں سے بھاری تعداد میں اسلحہ و گولہ بارود بھی برآمد ہوا۔
کوئٹہ: سکیورٹی فورسز کے آپریشن میں 10 دہشتگرد ہلاک
