کراچی (کنزیومرواچ نیوز)کراچی میں بھتا مافیا کے خلاف کارروائیاں جاری ہیں۔ایس آئی یو اور قانون نافذ کرنے والے ادارے نے بھتا مافیا کے خلاف کارروائیاں کرتے ہوئے بھتے کے لیے فون کرنے والے مرکزی ملزم سمیت 4 بھتا خور گرفتار کرلیے۔ذرائع کے مطابق گرفتار ملزمان کے موبائل فون سے شواہد برآمد کرلیے گئے۔ ملزمان نے کار شوروم اور منگھوپیر میں ماربل فیکٹری کے مالک سے بھتا مانگا تھا، فون کال بین الاقوامی نمبر سے کی گئی تھی۔ ماربل فیکٹری کے مالک کو 10کروڑ روپے بھتے کی پرچی کے ساتھ دو گولیاں بھی بھیجی گئی تھیں۔ شوروم مالک کو بھی 50 لاکھ بھتے کی پرچی موصول ہوئی تھی۔50لاکھ روپے بھتہ نا دینے پر شوروم مالک کی کار پر فائرنگ کی گئی جس کے بعد واقعے کا مقدمہ درج کیاگیا۔
کراچی: قانون نافذ کرنے والے اداروں نے 4 بھتہ خور گرفتار کرلیے
