عالمی ریکارڈ یافتہ طویل القامت نصیر سومرو انتقال کر گئے

شکار پور (کنزیومرواچ نیوز)شکار پور میں پیدا ہونے والے عالمی ریکارڈ یافتہ طویل القامت شخص نصیر سومرو 55 سال کی عمر میں انتقال کر گئے۔ نصیر سومرو طویل عرصے سے سانس کی بیماری میں مبتلا تھے۔ نصیر سومرو عالمی سطح پر دوسرے نمبر پر رہنے والے طویل القامت شخص تھے۔ مرحوم کا قد 7 فٹ 9 انچ تھا، نصیر سومرو نے وصیت کی تھی کہ ان کی وفات کے بعد ان کی تدفین ان کے آبائی قبرستان میں کی جائے۔ لہذا نبی شاہ محلے میں نماز جنازہ ادا کی گئی۔ مرحوم کے انتقال پر سول سوسائٹی و دیگر لوگوں نے گہرے دکھ کا اظہار کیا ہے۔