سیلاب متاثرین کے لیے بجلی کے بلوں میں ریلیف دینے کا فیصلہ

اسلام آباد (کنزیومر واچ نیوز): وفاقی حکومت نے سیلاب متاثرین کے لیے بجلی کے بلوں میں ریلیف دینے کا فیصلہ کیا ہے۔ ذرائع کے مطابق بلوں پر جنرل سیلز ٹیکس، ایف سی سرچارج اور فکس چارجز ختم کرنے پر غور کیا جارہا ہے جبکہ فیول پرائس ایڈجسٹمنٹ پر جی ایس ٹی اور ایکسائز ڈیوٹی کے خاتمے کی تجویز بھی زیر غور ہے۔ پنجاب میں بڑے پیمانے پر سیلاب سے زرعی اراضی متاثر اور لاکھوں افراد بے گھر ہوچکے ہیں۔ گزشتہ روز بلاول بھٹو زرداری نے زرعی ایمرجنسی کے نفاذ اور کسانوں کے بجلی کے بل معاف کرنے کا مطالبہ کیا تھا۔