دارالعلوم حقانیہ میں نماز جمعہ کے دوران دھماکا، مولانا حامد الحق سمیت پانچ افراد شہید

اکوڑہ خٹک (کنزیومرواچ نیوز) خیبرپختونخوا کے ضلع نوشہرہ کے دارالعلوم حقانیہ اکوڑہ خٹک میں نماز جمعہ کی ادائیگی کے دوران دھماکا ہوا ہے۔حکام کے مطابق دھماکے میں مولانا سمیع الحق کے صاحبزادے اور جے یو آئی (س) کے سربراہ مولانا حامدالحق سمیت 5 افراد شہید جبکہ 11 افراد زخمی ہوگئے۔سماء سے گفتگو میں آئی جی خیبرپختونخوا ذوالفقار حمید نے کہا کہ ابتدائی اطلاعات کے مطابق دھماکا خودکش ہے۔ ان کا کہنا تھا کہ دھماکے کے وقت 25 پولیس اہلکار سیکیورٹی پر تعینات تھے۔ حملے سے متعلق کوئی مخصوص تھریٹ الرٹ نہیں تھا۔